काठमाडौँ ।
नेपाल क्रिकेट संघ (क्यान)ले सिद्धार्थ बैंक नेपाल प्रिमियर लिग (एनपिएल) का लागि टिकट बिक्री खुला गरेको छ । सोमबार रातिदेखि खुला गरिएको टिकट खल्ती एपबाट काट्न सकिनेछ ।
शनिबार उद्घाटन खेलको टिकट मूल्य साधारणतर्फ ३ सय र भिआइपीतर्फ ७ सय तोकिएको छ ।
अरू लिग खेलको ३ सय र ५ सय टिकट मूल्य तोकिएको छ । लिग खेलमा एउटा टिकटले दिनको दुबै खेल हेर्न सकिनेछ । प्लेअफको ५ सय र ७ सय रुपैयाँ टिकट मूल्य तोकिएको छ ।
फाइनल खेलको ५ सय र एक हजार रुपैयाँ टिकट मूल्य छ । सिजनल पासको लागि साधारणतर्फ ४४ सय ८० रुपैयाँ र भिआइपीतर्फ ८२ सय ४० रुपैयाँ मूल्य तिर्नुपर्नेछ ।
मंसिर र १५ देखि पुस ६ गतेसम्म कीर्तिपुर स्थित त्रिवी मैदानमा हुने प्रतियोगितामा ८ फ्रेन्चाइज टिमबीच प्रतिस्पर्धा हुनेछ ।
प्रकाशित मिति : २०८१ मंसिर ११ गते मंगलबार
प्रतिक्रिया दिनुहोस्