17 May 2021  |   सोमवार, जेष्ठ ३, २०७८

सार्वजनिक भयो घटना दर्ता अभिलेख

मिसनटुडे संवाददाता
प्रकाशित मितिः मङ्लबार, बैशाख २६, २०७४  

कोहलपुर, २६   बैशाख  / नेपालगञ्ज उप–महानगरपालिका उपमहानगर कार्यपालिकाको कार्यालय बाँकेले गतवर्ष २०७३ सालको व्यक्तिगत घटना दर्ता अभिलेख सार्वजनिक गरेको छ ।
जसअनुसार गतवर्ष २ हजार ४२ जना महिला तथा २ हजार १ सय ४१ पुरुषले जन्म दर्ता गराएका छन् । त्यस्तै २ सय ८१ जना महिला तथा ४ सय ९६ जना पुरुषको मृत्यु दर्ता गराईएको छ । गत वर्ष १ हजार १ सय ५६ जनाले विवाह दर्ता गराएका छन् भने ८ जनाले सम्बन्ध विच्छेद दर्ता गराएका छन् ।
गत वर्षको बैशाखदेखि असार मसान्त सम्म ५ सय ८४ महिला तथा ६ सय १० जना पुरुषले जन्म दर्ता गराएका छन् । साउन देखि असोज मसान्त सम्म ४ सय ४२ जना महिलाले तथा ४ सय ४६ जना पुरुषको जन्म दर्ता गरिएको छ । कार्तिक देखि चैत्र मसान्त सम्म १ हजार १६ जना महिला तथा १ हजार ८५ जना पुरुषले जन्म दर्ता गराएको उपमहानगरपालिकाले जनाएको छ ।
त्यस्तै गतवर्षको बैशाखदेखि असोज सम्म १ सय ३३ जना महिला तथा १ सय २१ जना पुरुषको मृत्यु दर्ता गरिएको छ भने कार्तिक १ देखि चैत्र मसान्त सम्म १ सय ४८ जना महिला तथा २ सय ७१ जना पुरुषको मृत्यु दर्ता गरिएको नेपालगंज उप–महानगरपालिकाले जनाएको छ ।

प्रकाशित मितिः मङ्लबार, बैशाख २६, २०७४     12:47:59 PM  |

Leave a Reply

Your email address will not be published. Required fields are marked *