दुई कट्ठाबाट शुरु दश वर्षमा एक विगाहा बढी

खगेन्द्र दाहाल
कोहलपुर, बैशाख २८
बाँके ढोडेगाउँका मोहिद्वीन बागवान उमेरले ३१ वर्षका
भए । बागवानले व्यवसायिक तरकारी खेतीगर्न थालेको भने १० वर्ष बढी भैसक्यो । बागवान व्यवसायिक रुपमा तरकारी खेती गर्नु भन्दा पहिले गाउँ गाउँबाट उत्पादीत तरकारी खरिद गरेर नेपालगञ्ज बजारमा विक्री गर्ने गर्थेे ।
दश वर्ष अघि दुई कट्ठा क्षेत्रफलबाट व्यवसायिक तरकारी खेती शुरु गरेका बागवानले फाईदा हँुदै
गएपछि अहिले २५ कट्ठा क्षेत्रफल सम्म तरकारी खेती विस्तार गरेका छन् । वर्षभरीमा कहिले काहि एक दुई महिनामा मात्र तरकारी उत्पादन नहुने उनको बारीमा अन्य मौसममा सधै ताजा तरकारीहरु पाईन्छ । व्यवसायिक तरकारी खेती गर्नुभन्दा पहिले उनको घरपरिवारको स्थिति दयनिय थियो । साँझ र विहानको छाक टार्न नै मुस्कील पर्ने गरेको बताउने कृषक बागवान आफ्नो बुवा र दाईले तरकारीको व्यापार गरेको देखेर आफुपनि यहि व्यवसायमा लागेका हुन् ।
पहिले बागवानको परिवार सगँ जग्गा जमिन केहि थिएन । तर अहिले उत्पादन भएको तरकारी विक्री गरेरै ७ कट्ठा जमिन खरीद गरिसकेका छन भने आधुनिक चार कोठे घर निर्माण गर्न थालनी गरेका छन् । व्यवसायिक तरकारी खेतीबाट बागवानले खर्च कटाएर वार्षिक चार लाख बचत गर्ने गरेको
बताए । आफ्नो तरकारी बारीमा आफ्नो परिवार सँगै दिनहु ३, ४ जनालाई
रोजगारी समेत दिने गरेको उनले भने ।
व्यवसायिक रुपमै तरकारी खेतीबाट प्रगती गरेका युवा कृषक बागवानले उत्पादित तरकारी नेपालगञ्जका विभिन्न बजारमा पु¥याउने गरेका छन । पढाइको कुरा गर्ने वित्तिकै उनले भने ‘मैले कति पनि पढेको छैन पहिले खान लाउन पुग्थेन र पढ्ने बेला व्यापारतिर लाग्न प¥यो तर पनि हिसाव भने सबै आउँछ ।’
तरकारी खेती गर्दै जादा यो वर्ष जिल्ला कृषि विकास कार्यलय बाँकेले बगवानलाई युवा लक्षित कार्यक्रम आन्तरर्गत ६० हजार रुपैया सहयोग समेत गरेको बागवानले बताए ।