कोहलपुर, १२
बाँकेको बनकटवामा रहेको हिमालय विद्या निकेतनले २०७१ मा विभिन्न विधामा प्रथम, द्वितीय र तृतीय भएका विद्यार्थीहरुलाई पुरस्कार वितरण कार्यक्रममा सम्पन्न गरेको छ । कार्यक्रममा बोल्दै जीगाउँ स्रोत केन्द्रका स्रोत व्यक्ति टंकनाथ दाहालले गुणस्तरिय शिक्षामा जोड दिन विद्यालयलाई आग्रह गरेका छन् । ‘गुणस्तरिय शिक्षा नै आजको आवश्यकता हो’ उनले भने ‘त्यसका लागि सम्पुर्ण विद्यालय परिवार लाग्नुु पर्छ ।’
कार्यक्रममा बोल्दै विद्यालयका संस्थापक श्याम कुवँरले विद्यार्थीहरुको क्षमता अनुसारको नतिजा प्रकाशित भएको र आगामि अझै राम्रो गर्न सुझाव दिए । त्यस्तै विद्यालयका प्रिन्सिपल नारायण प्रसाद गौतम र विद्यालयका स्कुल इन्चार्ज राम प्रसाद शर्माले प्रथम, द्वितीय र तृतीय, उत्कृष्ट सरसफाई, अनुशासन, नियमति स्कुलमा हाजिर हुने विद्यार्थी लाई सम्मान र पुरस्कृत गरेका थिए ।
कार्यक्रमको सञ्चालन शिक्षक कुशल थापाले गरेका थिए भने कक्षा ९ मा अध्ययनरत छात्रा समिरा चापागाईले स्वागत मन्तव्य राखेकी थिइन् ।
मिसनटुडे संवाददाता
प्रकाशित मितिः शुक्रबार, चैत्र १२, २०७२