काठमाडौं ।
सत्ता गठबन्धनमा आबद्ध पाँच दलका शीर्ष नेताहरूबीच आजको संसद् बैठकमा अमेरिकी सहयोग परियोजना (एमसीसी)सम्झौता टेबल गर्ने सहमति जुटेको छ ।
सोही विषयलाई लिएर प्रदर्शन हुन सक्ने भन्दै काठमाडौंको सुरक्षा व्यवस्था कडा पारिएको छ ।
काठमाडौंका सडकमा आज मात्रै दुई हजार बढी प्रहरी परिचालन गरिएको छ । नयाँ बानेश्वर, बबरमहल, माइतीघरमा सुरक्षाकर्मी बढी खटाइएका छन् । नयाँ बानेश्वर क्षेत्रमा मात्रै एक हजारको संख्यामा प्रहरी खटाउने तयारी छ ।
आज एमसीसीको विरोधमा विभिन्न संघ–संगठनहरूले प्रदर्शन गर्ने तयारी गरेका छन् ।
प्रकाशित मिति : २०७८ फागुन ८ गते आइतबार
प्रतिक्रिया दिनुहोस्