खैरो हेरोइनसहित एक युवा पक्राउ

कैलाली ।

धनगढीबाट ६ ग्रामभन्दा बढी लागूऔषध खैरो हेरोइनसहित एक जनालाई प्रहरीले पक्राउ गरेको छ ।

धनगढी उपमहानगरपालिका–३ त्रिनगर ब्यारेल नजिकैबाट ६ ग्राम ३१ मिलिग्राम लागूऔषध खैरो हेरोइनसहित डोटीको दिपायल सिलगढी नगरपालिका–६ घर भई धनगढी–१ को त्रिवेणी चोकमा कोठा गरी बस्ने १८ वर्षीय अनुरोध श्रेष्ठ पक्राउ परेका हुन् ।

श्रेष्ठलाई वडा प्रहरी कार्यालय धनगढीका प्रमुख प्रहरी निरीक्षक योगेश खत्री नेतृत्वको टोलीले शंकाको आधारमा चेकजाँच गर्दा लागूऔषधसहित पक्राउ गरेको जिल्ला प्रहरी कार्यालय कैलालीले जनाएको छ । साबुनभित्र लुकाइछिपाई राखेको अवस्थामा लागूऔषध फेला परेको प्रहरीले जनाएको छ ।