17 April 2024  |   बुधबार, बैशाख ५, २०८१

दश करोड लागतमा हनुमानको विशाल मूर्ति बन्दै

मिसनटुडे संवाददाता
प्रकाशित मितिः बुधबार, पुस ११, २०८०  

नेपालगन्ज ।
नेपालगन्ज उपमहानगरपालिकाको १० करोड रुपैयाँको लगानीमा विशाल हनुमानको मूर्ति बनाउने काम धमाधम भइरहेको छ । उपमहानगरले हनुमानगढी मन्दिरसँगै १ सय ८ फिट अग्लो हनुमानको मूर्ति बनाइरहेको हो । चैतबाट सुरु भएको निर्माणको काम ७० प्रतिशत सकिएको सब–इन्जिनियर रामकुमार पासवानले जानकारी दिए ।

पासवानका अनुसार मूर्ति राख्नका लागि आवश्यक जमिनको पूर्वाधारको लगभग काम सम्पन्न हुने क्रममा छ । उक्त काम सकिएपछि मूर्तिकारहरूले मूर्ति बनाउने काम सुरु गर्नेछन् । दुई वर्षभित्र सक्ने गरी काम भइरहेको निर्माणको ठेक्का लिएको जम्बुदीप निर्माण सेवाले बताएको छ ।

धार्मिक पर्यटन बढाउने अपेक्षासहित ठूलो लगानीमा उपमहानगरपालिकाले विशाल हनुमानको मुर्ति बनाउन लागेको हो । नेपालमा सम्भवतः यति अग्लो हनुमानको मूर्ति नेपालगन्जमै यही हुनेछ ।

 

प्रकाशित मितिः बुधबार, पुस ११, २०८०     9:15:15 AM  |