21 February 2024  |   बुधबार, फाल्गुन ९, २०८०

मुगु घटना अपडेटः कोहलपुरबाट कुकुरसहितको प्रहरी टोली घटनास्थल पुग्यो

मिसनटुडे संवाददाता
प्रकाशित मितिः शनिबार, कार्तिक ११, २०८०  

काठमाडौं ।

मुगुमा भएको घटनाको थप अनुसन्धान गर्न प्रहरी तालिम केन्द्र नेपालगन्जबाट अपराध अनुसन्धानमा खटिने कुकुरसहितको प्रहरी टोली घटनास्थल पुगेको छ ।

हिजोदेखि घटनास्थल सुरक्षित राखेर प्रहरीले आज बिहानदेखि अनुसन्धान गर्ने र शव उठाउने तयारी गरेको छ ।

शुक्रबार बिहान ९ बजे फेला परेको ४ जनाको शव अझै उठाइएको छैन ।

अपराध अनुसन्धानमा क्राइम सिन विश्लेषण महत्वपूर्ण मानिन्छ । त्यसैले प्रहरीले अनुसन्धानमा ‘मिस लिड’ नहोस् भनेर सुरक्षा दिएर शव र घटनास्थल सुरक्षित राखेको हो ।

नेपालगन्जबाट प्रहरीको फरेन्सिक टोली समेत मुगु पुगेको छ । केही ब्यक्तिमा निगरानी बडाइएको छ । छायानाथरारा नगरपालिका–६ मन्दुका श्रीदवी बोहरासहित उनका तीन छोराछोरीको शव फेला परेको थियो ।

प्रहरीको प्रारम्भिक अनुसन्धानले धारिलो हतियार र ढुंगा प्रहार गरी हत्या गरिएको आशंका छ ।

आन्तरिक रिसिबी हत्याको कारण हुनसक्ने मुगु डीएसपी वीरेन्द्र थापाले बताएका छन् । केही व्यक्तिमाथि हत्याको आशंका गरिएको र उनीहरूको निगरानीमा सादा पोसाकका प्रहरी खटिएको उनले बताए ।

प्रकाशित मितिः शनिबार, कार्तिक ११, २०८०     9:00:41 AM  |