हिँडिरहेको अवस्थामा भेटिए हुम्लाका चन्द्रे कामी

कोहलपुर ।

गत मंसिर २९ गतेदेखि सम्पर्कविहीन रहेका हुम्लाका चन्द्रे कामी भेटिएका छन्।

उनको खोजीमा गएको प्रहरीले खार्पुनाथ गाउँपालिकामा चन्द्रेलाई फेला पारेका छन्। उनको खोजीका लागि ३५ जना प्रहरी परिचालन गरिएको थियो।

बुधबार बिहान ८ बजे हिँडिरहेको अवस्थामा चन्द्रेलाई फेला पारिएको प्रहरीले जनाएको छ। प्रहरी निरीक्षक दानसिंह भण्डारीका अनुसार उनलाई सदरमुकाम ल्याइँदैछ।

‘प्रहरी टोलीले उहाँलाई खार्पुनाथमा फेला पारेको छ,’ भण्डारीले भने, ‘अब जिल्लामा ल्याउँदैछौं, बाँकी विवरण यहाँ ल्याएपछि मात्र थाहा हुन्छ।’