8 December 2021  |   बिहिबार, मंसिर २३, २०७८

डाइनोसरको मूर्तिभित्र एक व्यक्तिको लास भेटियो

मिसनटुडे संवाददाता
प्रकाशित मितिः मङ्लबार, जेष्ठ ११, २०७८  

काठमाडौं ।

स्पेनको क्याटलोनियामा रहेको एक डाइनोसरको मूर्तिभित्र एक व्यक्तिको लास भेटिएको छ । ३९ वर्षीय ती व्यक्तिले मूर्तिभित्र खसेको आफ्नो मोबाइल निकाल्ने कोसिस गर्दा भित्रै अड्किएर मृत्यु भएको प्रहरीले बताएको छ ।

एक बाबुछोराले सूचना दिएपछि उनको शव शनिबार प्रहरीले बाहिर निकालेको हो ।

‘घटनाको प्रवृत्ति हेर्दा उनी मूर्तिभित्र खसेको मोबाइल निकाल्ने कोसिस गर्दै थिए,’ प्रहरीले भनेको छ, ‘उनले पहिले टाउको छिराएर भित्र पसेको र त्यहीँ अड्किएर मृत्यु भएको हुनसक्छ ।’

ती व्यक्तिको शव बाहिर निकालेपछि त्यो स्थानबाट मूर्ति हटाइएको पनि प्रहरीले जानकारी दिएको छ ।

प्रकाशित मितिः मङ्लबार, जेष्ठ ११, २०७८     1:11:35 PM  |