मिसनटुडे संवाददाता
प्रकाशित मितिः बिहिबार, अशोज ११, २०७५
कोहलपुर/ बाँकेको बैजनाथ गाउँपालिका–१ स्थित गाभरबाट चितुवाको छालासहित दुई जना पक्राउ परेका छन् ।
प्रदेश ५ अनुसन्धान ब्यूरोको टोलीले अबैध रुपमा लुकाई राखिएको अवस्थामा दुई थान चितुवाको छालासहित बर्दियाको बाँसगढी नगरपालिका बस्ने चन्दन वादी (नेपाली) र सोही ठाँउका कृष्ण वादीलाई नियन्त्रणमा लिइएको प्रदेश ५ अनुसन्धान ब्यूरोका प्रहरी निरीक्षक देबीप्रसाद पौडेलले जानकारी दिए ।
उनीहरुलाई विशेष सूचनाको आधारमा बाँकेको बैजनाथ गाँउपालिका–१ गाभरबाट पक्राउ गरिएको हो ।
अबैध छाला सहित पक्राउ परेका दुबै जनालाई आवश्यक अनुसन्धानका लागि जिल्ला प्रहरी कार्यालय बाँके पठाइएको निरीक्षक पौडेलले बताए ।