मिसनटुडे संवाददाता
प्रकाशित मितिः बिहिबार, फाल्गुन १०, २०७४
दैलेख,१० फागुन/ दैलेखमा बिहीबार एक यात्रीबहाक जिप दुर्घटना हुँदा चारजनाको मृत्यु भएको छ । अरु पाँचजना गम्भीर घाइते छन् ।
मृत्यु हुनेमा प्रवण शाही, निर्मला पाण्डे विष्ट, तिलक ढकाल र निर्मला सिंह रहेका छन् ।
दैलेख सदरमुकामबाट दैलेखकै महाबु गाउँपालिका जाँदै गरेको लु१ज ३५३२ नम्बरको बोलेरो जिप महाबु गाउँपालिका–१ ओखलढुंगा भन्ने ठाउँमा दुर्घटना भएको हो ।
गम्भीर घाइते पाँचजनालाई उपचारका लागि जिल्ला अस्पतालमा पठाइएको छ ।
जिप उकालो लाग्नेक्रममा चिप्लेर दुर्घटना भएको हुनसक्ने प्रहरीले जनाएको छ ।