केशव राना
माघ २०
नमस्ते नेपाल हातेमालो समाजिक संस्थाले दुबै मृगौला खराब भएका बिरामीलाई एकलाख बढी सहयोग रकम हस्तान्तरण गरेको छ । विदेशमा बस्दै आएका नेपालीहरुको परोपकारी संस्था नमस्ते नेपालले २० माघमा बाँकेको कोहलपुरमा कैलाली घोडाघोडी १ सुख्खडका ५५ वर्षिय प्रेमलाल जैसीलाई सहयोग रकम हस्तान्तरण गरेको हो ।
जैसी डेढवर्षदेखि मृगौला पीडित छन् । उनको दुबै मृगौला खराब छ । उनी डायलोसिस गर्नकै लागि भनेर एक वर्षदेखि कोहलपुर होटलमा बस्दै आएका छन् । हप्तामा २ पटक डायलोसिस गर्दै आएका छन् । उपचारका क्रममा हालसम्म १० लाख बढी खर्च भएको उनका जेठा छोरा हेमराज जैसीले जानकारी दिए ।
नमस्ते नेपालमा विभिन्न देशमा बसोबास गर्ने नेपालीहरु आवद्ध रहेको केन्द्रीय सदस्य अम्मर खड्काले बताए । दैवीप्रकोप पीडित, विपन्न बिरामी, गरिब लगायतलाई संस्थाले सहयोग गर्दै आएको उनले बताए ।