मिसनटुडे संवाददाता
प्रकाशित मितिः बिहिबार, पुस २३, २०७२
, पुस २३ गते । नेपालगन्जस्थित एभिन्यूज टेलिभिजनका क्षेत्रीय प्रमुख कृष्ण खनालमाथि गएराति यहाँ अज्ञात समूहले आक्रमण गरेको छ ।कार्यालयको काम सकेर घर जाने क्रममा स्थानीय त्रिवेणी चोकमा पुगेका पत्रकार खनालमाथि त्यहाँको एक घरको छतबाट बोतल प्रहार गरिएको थियो ।
आक्रमणमा परी गम्भीर घाइते भएका खनालको ढाडको बायाँपट्टि दुईवटा टाँका लगाइएको छ भने प्रहरीले दुईजनालाई पक्राउ गरी छानबिन सुरु गरेको छ । नेपाल पत्रकार महासङ्घ, बाँकेका अध्यक्ष रुद्र सुवेदीले घटनाको भत्र्सना गर्दै दोषीमाथि कानुनबमोजिम कारबाही हुनुपर्ने माग गर्नुभएको छ ।