समाज सेवा संस्थाको नेपाल इकाई कार्यालय स्थापना

कोहलपुर ।

बाँकेको कोहलपुर नगरपालिका १४ मा समाज सेवा संस्था नेपालको ईकाई कार्यालय स्थापना भएको छ । शनिबार समाज सेवा संस्था १४ नं. इकाई कमिटिका अध्यक्ष शिव कुमार बर्माको अध्यक्षतामा इकाई कार्यालयको स्थापना भएको हो ।

कार्यक्रमको प्रमख अतिथिको रुपमा कोहलपुर नगरपालिका वडा नं. १४ का अध्यक्ष टेकचन हरिजनले जस्तो नाम छ त्यस्तै गुणस्तरीय काम भएको बताए । ‘अहिलेको समाजले सामाजिक कार्यतर्फ कुनै युवाहरु सक्रिय भएको देखिदैन’ उनले भने, ‘यस संस्थाले केही युवाहरुलाई सामाजिक सेवा गर्नुपर्दछ भन्ने भावना जगाएको छ ।’

यस्तै समाज सेवा संस्था नेपालका अध्यक्ष बिनोद थापाले समाजमा रहेका विकृतिलाई हटाउन र सामाजिक सेवातर्फ आकर्षित गर्ने उद्देश्यले संस्था स्थापना भएको बताए । ‘समाजमा अहिले लागुऔषध प्रयोग गरेर कयौं यूवाहरुले आफ्नो ज्यान खतरामा राखेको पाइएको छ’ उनले भने, ‘यसको निराकरण गर्नका लागि हामीले विभिन्न क्षेत्र, वडा, गाउँघर टोलमा समेत अभियान चलाएका छौं ।’