खजुरा बमजस्तो देखिने वस्तु फेला

बाँकेको खजुरा गाउँपालिकामा पर्ने पेडारी नालाको निर्माणाधीन पुलछेउमा बमजस्तो बस्तु राखिएको फेला परेको छ। एकाबिहानै बटुवाहरूले उक्त वस्तु देखेपछि प्रहरीलाई खबर गरेका थिए। खबर पाउनेबित्तिकै पुगेको प्रहरी र सेनाको टोलीले अहिले उक्त क्षेत्रमा आवतजावत बन्द गरेको छ। नेपाली सेनाको बम डिस्पोजल टोली पनि पुग्न लागेको बताइएको छ। बमजस्तो वस्तु फेला परेपछि स्थानीहरूमा त्रास फैलिएको छ।