आयोगका अनुसार सरकारी स्रोतसाधनको दुरुपयोग, मतदातालाई प्रभावित पार्ने गतिविधि, सामाजिक सञ्जालमार्फत हुने भ्रामक प्रचार, आचारसंहिताविपरीत सभा–समारोह तथा खर्चको सीमा नाघ्ने कार्यप्रति विशेष निगरानी गरिएको छ । यसका लागि प्रदेश तथा जिल्लास्तरमा अनुगमन टोली परिचालन गरिएको छ भने नागरिकलाई समेत आचारसंहिता उल्लंघन गरेको देखेमा उजुरी गर्न आग्रह गरिएको छ ।
नन्दराम जैशी । सुर्खेत ।
आगामी निर्वाचनलाई स्वच्छ, निष्पक्ष र मर्यादित बनाउन निर्वाचन आयोगले आचारसंहिता उल्लंघन गर्नेमाथि कडा निगरानी थालेको छ । आयोगले निर्वाचन अवधिभर राजनीतिक दल, उम्मेदवार तथा सरोकारवाला सबैलाई आचारसंहिताको पूर्ण पालना गर्न निर्देशन दिएको छ ।
आयोगका अनुसार सरकारी स्रोतसाधनको दुरुपयोग, मतदातालाई प्रभावित पार्ने गतिविधि, सामाजिक सञ्जालमार्फत हुने भ्रामक प्रचार, आचारसंहिताविपरीत सभा–समारोह तथा खर्चको सीमा नाघ्ने कार्यप्रति विशेष निगरानी गरिएको छ ।
यस्ता गतिविधिमा संलग्न पाइएमा कानुनबमोजिम कारबाही प्रक्रिया पनि अघि बढाइएको छ । यसका लागि प्रदेश तथा जिल्लास्तरमा अनुगमन टोली परिचालन गरिएको छ भने नागरिकलाई समेत आचारसंहिता उल्लंघन गरेको देखेमा उजुरी गर्न आग्रह गरिएको छ । उजुरीका आधारमा छानबिन गरी दोषी देखिए कडा कदम चालिने बताइएको छ । निर्वाचनलाई विश्वसनीय बनाउने साझा दायित्व भएकाले सबै पक्ष जिम्मेवार र सचेत हुन अपिल गरिएको छ ।
यसैबीच निर्वाचनको अवधिमा शान्ति सुरक्षा खलल पु¥याएको भन्दै सुर्खेतबाट ‘द डेन्जरस स्कुल’ नामक समूहका २५ युवालाई प्रहरीले नियन्त्रणमा लिएको छ । जिल्ला प्रहरी कार्यालय सुर्खेतका प्रवक्ता तथा प्रहरी नायब उपरीक्षक (डीएसपी) मोहनजंग बुढथापाका अनुसार वीरेन्द्रनगर नगरपालिका–११ स्थित धुलियाबिटनजिक तीनकुने चोकहुँदै धुलियाबिटतर्फ जाँदै गरेको अवस्थामा उनीहरू पक्राउ परेका हुन् ।
तातोपानी क्षेत्र (वीरेन्द्रनगर–३)मा आधारित उक्त युवा क्लबका सदस्यहरूले स्थानीय प्रशासनको अनुमतिबिना कालो–सेतो झण्डा बोकी मोटरसाइकलमा ¥याली निकालेका थिए ।
प्रहरीका अनुसार ¥यालीका क्रममा उनीहरूले हो–हल्ला गर्दै सार्वजनिक शान्ति खलल पु¥याउने गतिविधि गरेको र निर्वाचन आचारसंहिता तथा निर्वाचन कानुनले निषेध गरेको कार्यमा संलग्न रहेको बताइएको छ । उक्त गतिविधिले आसन्न निर्वाचनको शान्ति सुरक्षामा असर पर्ने देखिएपछि तत्काल हस्तक्षेप गरिएको प्रवक्ता बुढथापाले बताए ।
घटनापछि जिल्ला प्रहरी कार्यालय सुर्खेत र नगर प्रहरी कार्यालयबाट खटिएको ३० जनाको संयुक्त प्रहरी टोलीले उनीहरूलाई नियन्त्रणमा लिएको हो । प्रहरीले आठ वटा मोटरसाइकल र चार वटा स्कुटीसमेत नियन्त्रणमा लिएको जनाएको छ । नियन्त्रणपछि छोडिएका सबै २५ जनामाथि थप निगरानीसहित अनुसन्धान भइरहेको प्रहरीले जनाएको छ ।
प्रधानाध्यापकहरूसँग स्पष्टीकरण माग
निर्वाचन आचारसंहिता उल्लंघनको आरोपमा कालीकोटमा कार्यरत दुई शिक्षकलाई निर्वाचन आयोगले स्पष्टीकरण सोधेको छ । कालीकोटको रास्कोट नगरपालिकास्थित कालाशिल्ला माध्यामिक विद्यालयका प्रधानाध्यापक देवराज चौलागाई र खाडाचक्र नगरपालिकास्थित चुलीमालिका माध्यामिक विद्यालयका प्रधानाध्यापक दीपबहादुर शाहीलाई स्पष्टीकरण सोधिएको हो ।
जिल्ला निर्वाचन आचारसंहिता अनुगमन समितिले दुवैजना शिक्षकलाई आचारसंहिता उल्लंघन गरेको भन्दै २०८२ माघ १८ गते स्पष्टीकरण सोधेको थियो । चौलागाईलाई विद्यालय बन्द गरेर नेपाली कम्युनिष्ट पार्टीको एकता सन्देशसभामा सहभागी भएको र शाहीलाई एकीकृत मालेका उम्मेदवारलाई विद्यालयभित्र निर्वाचन कार्यक्रम गर्न दिएको भन्दै आचारसंहिता उल्लंघन गरेकोबारे लिखित जवाफ मागिएको हो ।
आचारसंहिता अनुगमन अधिकृतको कार्यालयका संयोजक सहायक प्रमुख जिल्ला अधिकारी जनक शर्माले दुई विद्यालयका प्रध्यानाध्यापकले आचारसंहिताविपरीत काम गरेको गुनासो आएपछि स्पष्टीकरण सोधेको बताए । कालाशिल्ला माविका प्रध्यानाध्यापक चौलागाईले ०८२ माघ ४ देखि निर्वाचन आचारसंहिता जारी भएकोबारे आफू जानकार रहेको भन्दै लिखित पत्र पठाएका छन् ।
बेलुकी ४ बजेपछि शिक्षक कर्मचारीका पेशागत माग नेकपाको चुनावी घोषणापत्रमा राख्नका लागि सुझाव दिन आफू कार्यक्रममा गएको उनको दाबी छ । चुलीकालिका माविका प्रध्यानाध्यापक शाहीले उम्मेदवार विद्यालय बाहिरको बाटो हुँदै गाउँ जाने क्रममा विद्यालयको भवन अभाव लगायतका समस्या सुनाउन हाता बाहिर होस्टेलमा भेटघाट गरेको दाबी गरेका छन् । आचारसंहिता उल्लंघन नगरेको उनको तर्क छ ।
सकियो कर्णालीको मतपत्र छपाइ
आगामी फागुन २१ गते हुने प्रतिनिधिसभा सदस्य निर्वाचनका लागि कर्णाली प्रदेशका १० वटै जिल्लाको मतपत्र छपाइ सकिएको छ । पहिलो हुने निर्वाचन प्रणाली अर्थात् प्रत्यक्षतर्फको मतपत्र छपाइ कार्य सकिएको निर्वाचन आयोगले जानकारी दिएको छ । आयोगले दिएको जानकारीअनुसार शुक्रबारसम्म देशभरका कूल ८४ लाख ४० हजार मतपत्र छपाइ सकिएको छ ।
जसमा कर्णाली प्रदेशका १० जिल्लाका १२ वटै निर्वाचन क्षेत्रको पनि सकिएको हो । आयोगका सहसचिव एवं प्रवक्ता नारायणप्रसाद भट्टराईले हालसम्म डोल्पा, मुगु, जुम्ला, कालीकोट, हुम्ला, जाजरकोट, दैलेख, रूकुम (पश्चिम भाग), सल्यान र सुर्खेतको मतपत्र छपाइसहित प्याकिङ कार्य सम्पन्न भएको छ ।
कर्णालीका १० जिल्लामा प्रतिनिधिसभाका १२ वटा निर्वाचन क्षेत्र छन् । जहाँ १३१ जना उम्मेदवार चुनावी प्रतिस्पर्धाका लागि मैदानमा उत्रिएका छन् । सुर्खेत र दैलेखमा समान दुई निर्वाचन क्षेत्र रहँदा अन्य आठ जिल्लामा भने एउटा÷एउटा निर्वाचन क्षेत्र छन् ।
प्रतिक्रिया दिनुहोस्