आजदेखि खुले सरकारी कार्यालय

बाँके ।

नेपालीहरूको दोस्रो महान् पर्व तिहारको अवसरमा बन्द भएका सरकारी तथा गैरसरकारी कार्यालयहरू आजबाट खुल्दैछन् । गत बिहीबार तिहारको लक्ष्मी पूजाका दिनदेखि बन्द रहेका कार्यालयहरू तिहार बिदा सकिएसँगै आजदेखि खुल्न लागेका हुन् ।

बिहीबारदेखि सोमबारसम्म पाँच दिन तिहार बिदा रहेको थियो ।आजदेखि स्थानीय, प्रदेश र संघीय सरकार तथा गैरसरकारी निकायका सबै कार्यालयहरू सञ्चालनमा हुनेछन् । कार्यालय खुल्ने भएसँगै कार्यक्षेत्रमा फर्किनेहरूको सङ्ख्या समेत बढिरहेको छ ।

टिका लगाउन अधिकांश मानिसहरू सहरबाट गाउँ भएकोले फर्किने क्रम समेत सुरु भइसकेको छ । सरकारी कार्यालयहरू आज र भोलि खुलेपनि पर्सी छठ पर्वको बिदा रहेको छ । कार्यालयहरूमा आइतबारदेखि मात्रै कर्मचारी र सेवाग्राहीको चहलपहल हुने बताइन्छ ।