कन्चनपुर ।
बेदकोट नगरपालिका–१ चम्फापुरमा रूखको हाँगा काट्ने क्रममा करेण्ट लागेर एक जनाको मृत्यु भएको छ ।
करेण्ट लागेर घाइते भएका स्थानीय ५५ वर्षीय टेकबहादुर मल्लको महाकाली प्रादेशिक अस्पतालमा उपचारका क्रममा मृत्यु भएको जिल्ला प्रहरी कार्यालय कन्चनपुरले जनाएको छ ।
उक्त क्षेत्रमा शनिबार बिहान वृक्षरोपण भइरहेको बेला घटना भएको जिल्ला प्रहरी कार्यालय कन्चनपुरका सूचना अधिकारी प्रहरी नायब उपरीक्षक (डीएसपी) उमेश जोशीले जानकारी दिए ।
उनका अनुसार त्यहीबेला रूखको हाँगा पनि काट्ने योजना बनेको थियो । काटेको हाँगा खसेर विद्युत लाइनको तार चुडिएर करेण्ट लागेको डीएसपी जोशीले जानकारी दिए । घटनाबारे थप अनुसन्धान भइरहेको जिल्ला प्रहरी कार्यालय कन्चनपुरले जनाएको छ ।
प्रकाशित मिति : २०८१ असोज ६ गते आइतबार
प्रतिक्रिया दिनुहोस्