बर्दिया ।
नेकपा एमाले निकट अनेरास्ववियू बर्दिया जिल्लाको अध्यक्षमा छबी लम्साल चयन भएका छन् । शनिबार भएको जिल्ला अधिवेशनबाट लम्साल अध्यक्षमा निर्विरोध चयन भएका हुन् । अधिवेशनले लम्सालको अध्यक्षतामा ३९ सदस्सीय जिल्ला कमिटी चयन गरेको थियो ।
नयाँ कमिटीको उपाध्यक्षमा भुपेन्द्र बिसी, सचिवमा बिमल सुवेदी, सहसचिवमा सागर खत्री, लक्ष्मीप्रसाद न्यौपाने, धिरेन्द्र धिताल, अनु पौडेल र कोषाध्यक्षमा मनिषा योगी रहेको अनेरास्ववियूका केन्द्रीय सदस्य सुमन घिमिरेले जानकारी दिए ।
बन्दसत्र अघि भएको अधिवेशनको उद्घाटन सत्रलाई नेकपा एमाले बर्दियाका अध्यक्ष शालिकराम अधिकारी, अनेरास्ववियूका केन्द्रीय पदाधिकारी तथा केन्द्रीय सदस्य, प्रदेशका पदाधिकारी लगायतले सम्बोधन गरेका थिए ।
प्रकाशित मिति : २०८१ साउन १४ गते सोमबार
प्रतिक्रिया दिनुहोस्