19 June 2024  |   बिहिबार, असार ७, २०८१

भूकम्प अपडेटः रुकुममा थप १४ जनाको शव भेटियो, मृतकको संख्या १ सय ५७ पुग्यो

मिसनटुडे संवाददाता
प्रकाशित मितिः शनिबार, कार्तिक १८, २०८०  

काठमाडौं।

शुक्रबार मध्यरातिको भूकम्पमा मृत्यु हुनेको संख्या १ सय ५७ पुगेको छ।

प्रहरीले दिएको जानकारी अनुसार रुकुम पश्चिममा थप १४ जनाको शव भेटिएपछि मृतकको संख्या डेढ सयमाथि पुगेको हो। घटनामा मृत्यु हुने १ सय ५७ जना पुगेको सशस्त्र प्रहरीका सहप्रवक्ता डीएसपी शैलेन्द्र थापाले जानकारी दिए।

जाजरकोटमा १०५ जनाको मृत्यु भएको छ। त्यस्तै रुकुम पश्चिममा ५२ जनाको मृत्यु भएको हो। त्यस्तै भूकम्पमा परेर १ सय ९७ जना घाइते भएका छन्। रोल्पा, दैलेख र बैतडीमा पनि भूकम्पबाट घाइते भएका छन्।

घाइतेहरुको नेपालगञ्ज र सुर्खेतमा उपचार भइरहेको छ। ७ जनालाई भने काठमाडौं उपचारको लागि ल्याइएको छ।

प्रकाशित मितिः शनिबार, कार्तिक १८, २०८०     4:54:32 PM  |