कोहलपुर, जेठ १४
आठौं क्षेत्रिय राष्ट्रपति रनिङ शिल्ड प्रतियोगिता यहि १५ गतेदेखि नेपालगन्जमा संचालन हुने भएको छ ।
मध्यपश्चिमाञ्चल क्षेत्रिय खेलकुद विकास समितिको आयोजनामा हुन लागेको उक्त प्रतियोगिता १५ गतेदेखि १७ गतेसम्म संचालन हुने आयोजकले जनाएको छ । बिहीबार नेपालगन्जमा पत्रकार सम्मेलन गरि मध्यपश्चिमाञ्चल क्षेत्रिय खेलकुद विकास समितिका अध्यक्ष भिम ओलीले आठौं क्षेत्रिय राष्ट्रपति रनिङ शिल्ड प्रतियोगितामा १५ जिल्लाका १२ सय १५ जना खेलाडीको सहभागिता रहने जनाएको छ । प्रतियोगितालाई उद्घाटन गर्न नागरिक उड्यान तथा पर्यटन राज्य मन्त्री बल बहादुर महतले गर्नेे आयोजकले जनाएको छ । प्रतियोगितामा १५ जिल्लाका खेलाडीहरुको सहभागितामा ३ सय २ पदक वितरण गरिने अध्यक्ष ओलीले जानकारी दिए । प्रतियोगितामा एथलेटिक्स, भलिवल, कवडी, तेक्वान्दो, कराते, र उसु खेल हुने तथा फुटबल र क्रिकेटको छनोट हुने अध्यक्ष ओलीले बताए । खेलमा प्रथमलाई २० हजार, दोश्रोलाई १५ हजार र तेस्रोलाई १० हजार दिईने व्यवस्था मिलाएको आयोजकले पत्रकार सम्मेलनमा जानकारी गराएको छ ।
गत बर्ष केन्द्र स्तरिय राष्ट्रपति रनिङ शिल्ड प्रतियोगिताको उपाधी मध्यपश्चिमाञ्चल क्षेत्रले चुमेको थियो । प्रतियोगितामा कुल २६ लाख २५ हजार खर्च लाग्ने आयोजक टिमले जनाएको छ ।
मिसनटुडे संवाददाता
प्रकाशित मितिः शुक्रबार, जेष्ठ १४, २०७३