कोहलपुर, बैशाख १२
कोहलपुर नेशनल लाईफ इन्स्योरेन्स कम्पनी लिमिटेडले कोहलपुर नगरपालिका १२ निवासी स्वर्गीय रामकुमार पुवार मगरको परिवारलाई जीवन वीमा बापतको रकम प्रदान गरेको छ ।
नेशलनल लाईफ इन्स्योरेन्स कम्पनी लिमिटेड नेपालगँज शाखाका विकास अधिकृत दीपनारायण खनालले शनिवार एक कार्यक्रमका बीच चपरगौढी रोेहिणीमा स्व.रामकुमारकी पत्नी लक्ष्मी पुवार मगरलाई चेक प्रदान गरेका हुन् ।
नेशनल लाईफ इन्स्योरेन्स कम्पनी लिमिटेडमा रामकुमारको रु. चार लाखको वीमा रहेकोमा एनआइसी एशिया बैँक नेपालगञ्ज शाखाको चेक नम्बर १४९१ वी ७ बाट रु. चार लाख ४८ हजार
आठ सयको चेक प्रदान गरिएको नेपालगञ्ज शाखाका विकास अधिकृत खनालले जानकारी दिए । वीमा शुुरु भएको दुईवर्षमै पति वियोगमा परेकी लक्ष्मी पुवार मगरले यो रकम पीडाको घाउमा मलम बनेर आएको बताईन् । चेक हस्तान्तरण कार्यक्रममाकम्पनीका व्यवसाय प्रबन्धकहरु शंकर लामिछाने, भुप बहादुर भण्डारी, तुल्सी थापा, उदय बुढा, शोभारानी थारु, अमृत पौडेल, चिना बुढामगर, अनिता थापा र स्थानीय समाजसेवी खिना राना मल्ल लगायतको उपस्थिति थियो । साथै उनको मृत्यु २०७२ असोज ३० गते भएका थियो ।
मिसनटुडे संवाददाता
प्रकाशित मितिः आइतवार, बैशाख १२, २०७३