24 January 2021  |   आइतवार, माघ ११, २०७७

जरायो सिङ् निकुञ्जलाई बुझाइयो

मिसनटुडे संवाददाता
प्रकाशित मितिः बिहिबार, चैत्र १८, २०७२  

कोहलपुर, चेत्र १८
घरमा अवैध रुपमा राखिएको जरायोको सिङ् बाँके निकुञ्जलाई बुधबार बुझाइएको छ । एक कार्यक्रमको आयोजना गर्दै ग्रिनयुथ नेपाल बाँके अध्यक्ष चन्द्रकला बस्नेतले बाँके निकुञ्जका सूचना अधिकारी रविन चौधरीलाई जरायोको एकथान सिङ हस्तान्तरण गरेकी हुन् ।
नाम उल्लेख नगर्ने सर्तमा एक व्यक्तिले धेरै वर्षअघि घरमा राखेको जरायोको सिङ् बुधबार ग्रिनयुथलाई बुझाएको र बुधबार नै ग्रिनयुथले निकुञ्जलाई हस्तान्तरण गरेको ग्रिनयुथकी अध्यक्ष बस्नेतले बताइन् । उनले आफूसँग भएका आखेटोपहारहरु निकुञ्जमा बुझाउन समेत सबैलाई आग्रह गरेकी
छन् ।
अवैध रुपमा कसैले पनि जनावरका सिङ, छाला, हड्डी लगायतका आखेटो पहारहरु राख्न नहुने निकुञ्जका सूचना अधिकारी चौधरीले बताए । उनले कसैले राखेको खण्डमा दण्ड, सजाय र जरिवानाको भागिदार हुने जानकारी दिए ।

प्रकाशित मितिः बिहिबार, चैत्र १८, २०७२     1:23:23 PM  |

Leave a Reply

Your email address will not be published. Required fields are marked *