27 November 2020  |   शुक्रबार, मंसिर १२, २०७७

कांग्रेस महाधिवेशन : सिटौला सभापति, थापा महामन्त्री र चौधरी कोषाध्यक्षको उम्मेदवार

मिसनटुडे संवाददाता
प्रकाशित मितिः बुधबार, फाल्गुन १९, २०७२  

काठमाडौं, फागुन १९ – नेपाली कांग्रेसका नेता कृष्ण सिटौलाले प्यानलसहित सभापतिमा उम्मेदवारी घोषणा गर्नुभएको छ । काठमाडौंमा बुधबार कार्यक्रम गरेर सिटौलाले सभापतिमा उम्मेदवारी घोषणा गर्नुभएको हो ।

सिटौलाको प्यानलबाट महामन्त्रीमा गगन  थापा र कोषाध्यक्षमा उमाकान्त चौधरीले उम्मेदवारी दिनुहुने छ । उम्मेदवारी घोषणा गर्दै सिटौलाले संविधान कार्यान्वयनको जिम्मेवारी पूरा गर्न आफू सभापतिमा उठ्न लागेको बताउनुभयो ।

महामन्त्रीको उम्मेदवार थापाले भने पारिवारिक रुपमा चुनाव लड्न गाह्रो भएपनि देशलाई जिताउन आफू चुनाव लड्न लागेको बताउनुभयो । वरिष्ठ नेता शेरबहादुर देउवाको प्यानलबाट थापाका ससुरा अर्जुननरसिंह केसीले पनि महामन्त्रीमा नै लड्दै हुनुहुन्छ ।

 

कांग्रेस नेतृ सुजाता कोइरालाले यसअघि नै सभापतिमा उम्मेदवारी घोषणा गरिसक्नु भएको छ । वरिष्ठ नेता शेरबहादुर देउवा र कार्यवाहक सभापति रामचन्द्र पौडेलले पनि सभापतिमा उम्मेदवारी दिनुहुने छ ।

प्रकाशित मितिः बुधबार, फाल्गुन १९, २०७२     5:02:54 PM  |

Leave a Reply

Your email address will not be published. Required fields are marked *