23 October 2021  |   शनिबार, कार्तिक ६, २०७८

शिक्षालयको तेस्रो परिषद सम्पन्न

मिसनटुडे संवाददाता
प्रकाशित मितिः बुधबार, फाल्गुन १२, २०७२  

कोहलपुर, फागुन १२

प्राविधिक शिक्षा तथा व्यवसायीक तालिम परिषद भेरी प्राविधिक शिक्षालय नेपालगंजको तेश्रो परिषद दिवस बुधवार नेपालगन्जमा सम्पन्न भएको छ ।
शिक्षालयले परिषद सप्ताह व्यापी रुपमा खेलको आयोजना गरि परिषद मनाएको हो । बुधवार भएको परिषद दिवसको अबसरमा प्रमुख अतिथि बाँकेका प्रमुख जिल्ला अधिकारी बेद प्रकाश लेखकले देशको बिकास निर्माणमा प्राविधिक शिक्षाको अति आवश्यक रहेको बताउनुभयो । देशलाई योगदान दिन तथा रोजगार मुलक बनाउन प्राविधिक शिक्षालाई गुणस्तरियकरण बनाउन आवश्यक रहेको उहाँले बताउनुभयो ।
प्राविधिक शिक्षामा गुणस्तरियकरण गर्न सके देशमा जनशक्ति उत्पादन हुने उहाँले बताउनुभयो । भेरी प्राविधिक शिक्षालय पुुर्ण अपाङग मैत्री भएको कारण गुणस्तरीय शिक्षामा विकास हुने बताउनुभयो । देशभारका ३४ वटा प्राविधिक शिक्षालयबाट शिक्षा प्रदान गर्दै आएको छ । नेपालमा अझै पनि प्राविधिक जनशक्ति अपुग रहेको सिटिभिटिका क्षेत्रिय निर्देशक यादव आचार्यले बताउनुभयो ।
भेरी प्राविधिक शिक्षालय नेपालगन्जमा हाउस वायरिङग, प्लम्बर, मोवाईल मर्मत, रेफ, मेकानिक्स, डकर्मी, मोटरसाईकल मर्मत, मेकानिकल, इलेक्ट्रोनिक्स, सिभिल सेक्रेटरियल, अटोमोवाईल जस्ता प्राविधिक शिक्षा प्रदान गर्दै आएको छ । मध्यमस्तरिय प्राविधिक जनशक्ति बढि भन्दा बढि उत्पादन गरि देशको प्राविधिक जनशक्तिको आवश्यकता पुरा गर्नु शिक्षालयको प्रमुख लक्ष्य रहेको शिक्षालयका प्रमुख भिमकान्त लामिछानेले बताउनुभयो ।

प्रकाशित मितिः बुधबार, फाल्गुन १२, २०७२     6:18:56 PM  |