24 January 2021  |   आइतवार, माघ ११, २०७७

गोली हान्ने दुई जना पक्राउ

मिसनटुडे संवाददाता
प्रकाशित मितिः शुक्रबार, माघ २९, २०७२  

जनकपुरधाम, माघ २९ गते। धनुषा जिल्लाको वीरेन्द्र बजारमा नेपाली कांँग्रेसका नेता नसिम राइनमाथि गोली हानेको घटनामा पक्राउ गरिएका दुई जनालाई प्रहरीले आज मुद्दा चलाएको छ ।

घटनामा संलग्न रहेको आशङ्कामा हिजो बिहीबार वीरेन्द्र बजारबाट प्रमोदकुमार पूर्वे र योगेन्द्र महतोलाई प्रहरीले पक्राउ गरेको थियो ।

पक्राउ परेका दुबै जनामाथि ज्यान मार्ने उद्योगमा मुद्दा चलाई जिल्ला अदालत धनुषाबाट म्याद थप गरिएको धनुषाका प्रहरी उपरीक्षक रामदत्त जोशीले जानकारी दिनुभयो ।

गत शनिबार बिहान करिब ८ बजे गणेशमान चारनाथ नगरपालिकाका बुथ प्रतिनिधि राइनमाथि वीरेन्द्र बजारमा मोटरसाइकलमा आएका व्यक्तिले गोली प्रहार गरेका थिए ।
गोली प्रहार गर्नुपर्ने कारण हालसम्म खुल्न नसके पनि घटनाको विषयमा थप अनुसन्धान भइरहेको प्रहरी प्रमुख जोशीले बताउनुभयो ।

पिँठ्युमा गोली लागेका राइनको अवस्था चिन्ताजनक भएपछि थप उपचारका लागि हेलिकप्टरबाट काठमाडँौ लगिएको छ ।
धनुषाको बालाबाखरमा गोली प्रहारबाट हत्या गरिएका ५० वर्षीय नेकाका स्थानीय नेता राजेन्द्रप्रसाद यादवको हत्याको घटनामा संलग्न कसैलाई पनि प्रहरीले पक्राउ गर्न सकेको छैन् ।

नेका नेता यादवलाई अज्ञात समूहले गोली प्रहार गरी हत्या गरेका थिए। प्रहरी उपरीक्षक जोशीले यस घटनामा अनुसन्धन तीव्र पारिएको बताउनुभयो । यस घटनाको सत्यतथ्य चाँडै सार्वजनिक गरिने उहाँले बताउनुभयो । रासस

प्रकाशित मितिः शुक्रबार, माघ २९, २०७२     6:00:47 PM  |

Leave a Reply

Your email address will not be published. Required fields are marked *