कोहलपुर (बाँके) ।
नेकपा ‐माओवादी केन्द्र)का अध्यक्ष पुष्पकमल दाहाल ‘प्रचण्ड’ बाँके आउँदैछन् । नेकपा ‐माओवादी केन्द्र) निकट अखिल नेपाल महिला संघ ‐क्रान्तिकारी) लुम्बिनी प्रदेशको दोस्रो सम्मेलनमा सहभागी हुन प्रचण्ड बाँकेको कोहलपुर आउन गरेका हुन् । अखिल नेपाल महिला संघ ‐क्रान्तिकारी) लुम्बिनी प्रदेशले मंगलबार पत्रकार सम्मेलनको आयोजना गर्दै संघको प्रदेश सम्मेलन र प्रचण्डको सहभागीताबारे जानकारी दिएको हो ।
अखिल नेपाल महिला संघ ‐क्रान्तिकारी) लुम्बिनी प्रदेश लुम्बिनी प्रदेश इन्चार्ज दामा शर्माका अनुसार सम्मेलनको अध्यक्ष प्रचण्डले उद्घाटन र सम्बोधन गर्ने कार्यक्रम रहेको छ । अध्यक्ष प्रचण्डले बुधबार दिउँसो १ बजे कोहलपुर–२स्थित तेह्र बिगाहको खेल मैदानमा आयोजित बृहत सभामार्फत सम्मेलनको उद्घाटन गर्नेछन् । सो समारोहलाई अध्यक्ष प्रचण्डले देशको समसामयिक वस्तुस्थिति र पार्टीको मधेश जागरण अभियान र आगामी कार्यदिशाबारे विशेष सम्बोधन गर्नेछन् ।
त्यसअघि अध्यक्ष प्रचण्डसहितको पार्टीका शीर्ष नेतासहितको टोली बिहान १०ः५० मा काठमाडौँबाट नेपालगन्जको लागि प्रस्थान गर्ने कार्यक्रम रहेको छ । नेपालगन्ज विमानस्थलमा अध्यक्ष प्रचण्डसहितको टोलीले आयोजक र बाँके पार्टीका नेताहरूले स्वागत गर्नेछन् । नेपालगन्ज विमानस्थलबाट अध्यक्ष प्रचण्ड सिधैँ कोहलपुर आउनेछन् । कोहलपुर पुुगेर एकछिन आराम गरेपछि कोहलपुर–११ स्थित एकजना सहिद् परिवारको घरमा खाना खाने कार्यक्रम रहेको छ ।
खाना खाएपछि सम्मेलन उद्घाटन कार्यक्रममा सहभागी हुनेछन् । त्यसपछि उनले शहिद परिवार भेटघाट र कार्यकर्ता भेटघाट गर्नेछन् । आज प्रचण्ड कोहलपुरमै बस्ने कार्यक्रम रहेको पार्टीकी केन्द्रिय सदस्यसमेत रहेकी शर्माले जानकारी दिइन् । बिहीबार बिहान अध्यक्ष प्रचण्डले मर्निङ वाकसँगै सहिद् परिवारलाई भेट्नेछन् । दिउँसो नेपालगन्जका उद्योगी व्यवसायीहरूसँग भेटघाट गर्ने कार्यक्रम रहेको छ । त्यसपछि अध्यक्ष प्रचण्डसहितको टोली मधेश जागरण अभियान अन्तर्गत बर्दियामा हुने कार्यक्रममा सहभागी हुने उनले बताइन् ।
अखिल नेपाल महिला संघ ‐क्रान्तिकारी) लुम्बिनी प्रदेशकी अध्यक्ष पार्वती पुन उषाले दोस्रो सम्मेलनको सम्पूर्ण तयारी पूरा भएको बताइन् । उनका अनुसार सम्मेलनका लागि लुम्बिनी प्रदेशका १२ वटै जिल्लाबाट ६ सय बढी प्रतिनिधि सहभागी हुनेछन् । दुई दिनसम्म सञ्चालन हुने सम्मेलनले नयाँ नेतृत्वसमेत चयन गर्नेछ ।
यता, नेकपा ‐माओवादी केन्द्र) कोहलपुर नगर समितिका अध्यक्ष बलबहादुर खड्काले पार्टीका केन्द्रिय अध्यक्षसहितका शीर्ष नेताहरू कोहलपुर आउने भएपछि स्वागतका लागि सम्पूर्ण पाटीं पंक्तिलाई परिचालन गरिने उनले बताए । यस्तै अध्यक्षको कोहलपुर बसाईँलाई उपलब्धिमूलक र सौहार्दपूर्ण बनाउन नगर कमिटी लागिपरेको उनले बताए ।
प्रतिक्रिया दिनुहोस्