रावतको अध्यक्षतामा नेपाल विद्यालय खेलकुद महासंघ बाँके गठन

बाँके ।

नेपाल विद्यालय खेलकुद महासंघ बाँके जिल्ला कार्यसमिति गठन गरिएको छ । मंगलबार कोहलपुरमा भएको एक भेलाले यम रावतको अध्यक्षतामा १३ सदस्सीय जिल्ला कार्यसमिति गठन गरेको हो ।

कार्यसमितिको उपाध्यक्षमा कमल पछाईं र चिरञ्जीवी चन्द, सचिवमा नवकिरण शाह तथा कोषाध्यक्षमा गोविन्द रावत रहेका छन् ।

यस्तै सदस्यहरूमा दिनेश सिग्देल, गोविन्द चौधरी, रमेश केसी, लक्ष्मण सिंह, बिष्णु केसी, सागरदत्त गौतम, प्रेम पुन र रचना पटेल रहेका छन् ।

विद्यालयमा खेलकुद विकासका लागि पहिलोपटक बाँकेमा नेपाल विद्यालय खेलकुद महासंघ बाँके जिल्ला कार्यसमिति गठन गरिएको नेपाल विद्यालय खेलकुद महासंघका केन्द्रीय प्रतिनिधि बुद्धिबहादुर थापाले जानकारी दिए ।

‘देशभरका सबै जिल्लाहरूमा महासंघ गठनको काम अहिले भइरहेको छ,’ उनले भने, ‘अहिले बाँकेमा तदर्थ समिति गठनमात्रै गरिएको हो । आगामी दिनहरूमा सबैलाई समेटेर लैजान्छौँ ।’