राप्तीसोनारीको गाभरमा हात्तीले भत्कायो दुई घर

कोहलपुर ।

बाँकेको राप्तीसोनारी गाउँपालिका–१ गाभरमा हात्तीले दुईवटा घर भत्काएको छ । बिहीबार राति १२ बजे बाँके राष्ट्रिय निकुञ्जबाट आएको हात्तीले स्थानीय धनबहादुर बुढामगर र सरिता पुनको घर भत्काएको हो ।

निकुञ्जबाट आएको जंगली हात्तीले घर भत्काएको वडाध्यक्ष यमबहादुर खड्काले जानकारी दिए ।

उनका अनुसार हात्तीले दुई घरमा क्षति पु¥याए पनि मानिस भने भागेर सुरक्षित रहेका छन् । हात्तीले घरको टिनको छानो, झ्याल ढोकालगायतमा क्षति पु¥याएको मिसन टुडेलाई जानकारी दिए ।

यति मात्र नभई हात्तीले मकैबारीलगायतका बाली नष्ट गरेको स्थानीय बलबहादुर घर्ती मगरले बताए । उनले हात्तीले बर्सेनि स्थानीयलाई दुःख दिनुका साथै सयौँ बिघामा लगाएको अन्नबाली नष्ट पार्दासमेत कुनै निकायले रोकथामका लागि पहल नगरेको गुनासो गरे ।