जानकीमा नयाँ प्रमुुख प्रशासकीय अधिकृतलाई स्वागत

नेपालगन्ज ।

जानकी गाउँपालिकाले नयाँ प्रमुख प्रशासकीय अधिकृत सुनिल नेपालीलाई स्वागत गरेको छ ।

मंगलबार गाउँपालिकामा आयोजित एक कार्यक्रमका बीच गाउँपालिका अध्यक्ष छब्बन खाँ, वडा अध्यक्षहरू मो. रजा राई, राजकुमार कुर्मी, रमेशकुमार बर्मा, कार्यपालिका सदस्यहरू राम आचल धोवी, राजेन्द्र सिंह र कर्मचारीहरूले नेपालीलाई स्वागत गरेका थिए ।

प्रमुख प्रशासकीय अधिकृत दिलबहादुर पौडेलको सरुवा भएपछि उनको ठाउँमा नेपाली आएका हुन् ।

नेपालीको स्वागतमा आयोजित कार्यक्रममा गाउँपालिका अध्यक्ष खाँले जानकीलाई राम्रो बनाउने सवालमा प्रमुख प्रशासकीय अधिकृतको महत्वपूर्ण भूमिका हुने बताएका थिए । उनले प्रमुख प्रशासकीय अधिकृत इन्साफको कक्षमा बसेकाले सबैलाई मिलाएर सबैसँग समन्वय र सहकार्य गरेर अघि बढ्ने विश्वास व्यक्त गरे ।

त्यसक्रममा प्रमुख प्रशासकीय अधिकृत नेपालीले नीति नियम र कानुन अनुरुप काम गर्ने प्रतिबद्धता व्यक्त गरेका थिए । उनले सबैसँग समन्वय र हातेमालो गरेर काम गर्ने स्पष्ट पारे ।