बर्दिया ।
बर्दियाको बारबर्दियामा च्याउ टिप्न गएका एकजना बाघको आक्रमणबाट गम्भीर घाइते भएका छन् । नगरपालिकाको वडा नम्बर ९ मा रहेको बैदी चोक मध्यवर्ती क्षेत्रमा च्याउ टिप्न गएका एकजना बाघको आक्रमणबाट घाइते भएका हुन् ।
घाइते हुनेमा स्थानीय चन्द्रबहादुर कसेरा रहेको इलाका प्रहरी कार्यालय मोतिपुर बाँसगढीले जनाएको छ । बाघको आक्रमणबाट उनको मुखमा घाउ भएको छ ।
बर्दिया राष्ट्रिय निकुञ्जका प्रमुख संरक्षण अधिकृत डा. अशोककुमार रामले समेत निकुञ्जको मध्यवर्ती क्षेत्रमा च्याउ टिप्न गएका बेला उनीलाई बाघले आक्रमण गरेको बताए ।
घाइते कसेरालाई उपचारका लागि नेपालगन्ज मेडिकल कलेज शिक्षण अस्पताल कोहलपुर पठाइएको उनले जानकारी दिए । स्थानीयका अनुसार त्यसक्षेत्रमा यसअघि समेत बाघले मानिसलाई आक्रमण गरेको बताएका छन् ।
प्रकाशित मिति : २०८१ साउन २६ गते शनिबार
प्रतिक्रिया दिनुहोस्