बाँके ।
नेपालगन्ज–कोहलपुर सडक खण्डको गनापुरमा बसको ठक्करबाट एक महिलाको मृत्यु भएको छ । नेपालगन्जबाट कोहलपुरतर्फ जाँदै गरेको लु २ ख ४६ नम्बरको मिनी बसको ठक्करबाट शुक्रबार जानकी गाउँपालिका ६ की ६५ वर्षीया कलावती भाटको मृत्यु भएको हो ।
इलाका प्रहरी कार्यालय कोहलपुरले दिएको जानकारी अनुसार बसको अगाडिको पट्टा एक्कासि भाँचिएर पैदलयात्रु भाटलाई ठक्कर दिएको थियो । बसको ठक्करबाट घाइते भाटको नेपालगन्ज नर्सिङ होममा उपचारको क्रममा मृत्यु भएको हो ।
मृतक महिलाका आफन्तहरूले बसले ठक्कर दिएपछि ‘ब्याक’ गरेर मारेको आरोप लगाउँदै केहीबेर सडक समेत अवरुद्ध पारेका थिए । ठक्कर दिने बस र चालकलाई कोहलपुर प्रहरीले नियन्त्रणमा लिएको छ ।
प्रकाशित मिति : २०८१ साउन ५ गते शनिबार
प्रतिक्रिया दिनुहोस्