अंग्रेजी नयाँ वर्षमा सांस्कृतिक कार्यक्रम गर्दै सिद्धार्थ

नेपालगन्ज।
अंग्रेजी नयाँ वर्ष २०२४ लाई भव्य रूपमा सफल पार्न सिद्धार्थ होटेल नेपालगन्जले सांस्कृतिक कार्यक्रमसहित न्यु एयर इभ कार्यक्रमको आयोजना गर्ने भएको छ । न्यु एयरका अवसरमा सिद्धार्थ होटेल नेपालगन्जमा चर्चित गायक प्रकाश दुतराजसहित स्थानीय कलाकारहरूको विभिन्न रोचक प्रस्तुति रहनेछ । नेपालगन्जबासीलाई न्यु एयर इभमा मनोरन्जन प्रदान गर्ने उद्देश्यले काठमाडौँबाट चर्चित गायक दुतराजलाई नेपालगन्जमा ल्याएर सांस्कृतिक कार्यक्रम गर्न लागिएको होटलले जनाएको छ ।

गायक दुतराजका ‘देउरालीमा धजा रिमै’, ‘घर कता हो बहिनीको’, ‘लाहुर जाने रेलैमा’ लगायत एक दर्जनभन्दा बढी गीत लोकप्रिय छन् । सांस्कृतिक कार्यक्रममा स्थानीय ब्यान्डसहित डिजेको पनि प्रस्तुति रहनेछ । यसैगरी होटेल सिद्धार्थले नयाँ वर्षको अवसरमा आकर्षक छुटसहितका विभिन्न प्याकेजको व्यबस्था मिलाएको छ । सिद्धार्थ होटेल नेपालगन्जमै सबैभन्दा धेरै १ सय २५ रुम भएको चारतारे होटेल हो ।

सिद्धार्थ गु्रपले यसै वर्षदेखि भैरहवामा पाँचतारे होटेल सञ्चालनमा ल्याएको छ । ग्रुपले नेपालगन्जका अतिरिक्त, लमही, सुर्खेत, चिसापानी, महेन्द्रनगरसहित देशभरका विभिन्न स्थानमा होटेल, रिसोर्ट, रेस्टुरेन्ट, क्याफेसहित ३२ वटा आउटलेट सञ्चालन गर्दै आएको छ । निकट भविष्यमै सुदूर पश्चिम प्रदेशको राजधानी धनगढीमा तारे होटेल सुरु गर्न लागेको होटलले जानकारी दिएको छ ।