दाङ ।
बाँकेको नेपालगन्जदेखि दाङ शैक्षिक भ्रमणमा आएको विद्यार्थी सवार बस दुर्घटनामा परेको छ ।
शनिबार धारपानी मन्दिरको भ्रमण गरेर फर्कने गर्दा विद्यार्थी सवार बस दुर्घटनामा परेको हो । दुर्घटनामा परेर सात जना सामान्य घाइते भएको जिल्ला प्रहरी कार्यालय दाङले जनाएको छ । मन्दिरको दर्शन गरेर फर्किने क्रममा घोराही उपमहानगरपालिका–३ चौपट्टाको ओरालोमा बस दुर्घटना भएको थियो ।
जिल्ला प्रहरी कार्यालय दाङका प्रहरी नायब उपरीक्षक मुकुन्द रिजालका अनुसार ओरालोमा ब्रेक फेल भएपछी चालकले बचाउन भित्तामा बस टसाउँदा दुर्घटना भएको थियो । दुर्घटनामा परी कम्तिमा सात जना विद्यार्थी घाइते भएको उनले बताए ।
घाइतेमध्ये एकजनाको खुट्टामा बढी चोट लागेको छ । नेपालगन्जको राँझामा रहेको भेरी विद्यामन्दिरको भे १ ख २२२१ नम्बरको बस दुर्घटनामा परेको थियो । कक्षा ५ देखि १० सम्म अध्ययनरत विद्यार्थी शिक्षक गरी ५० जना भ्रमणको लागि दाङ आएको बताइएको छ ।
प्रतिक्रिया दिनुहोस्