मिसनटुडे संवाददाता
प्रकाशित मितिः शुक्रबार, बैशाख १७, २०७८
नेपालगञ्ज । बाँकेको नरैनापुर गाउँपालिका वडा नं १ को कटकुईया गाउँमा आगलागी भएको छ । शुक्रबार बिहान १२ बजेको समयमा भएको आगलागीमा आधा दर्जन घर जलेर नष्ट भएका छन् ।
दमकल, प्रहरी र स्थानीयहरुको सहयोगमा आगलागी नियन्त्रणमा आइसकेको छ । गाउँपालिकाका रोजगार संयोजक मकबुल अहमद मुकेरीका अनुसार आगलागीको कारण खुल्न सकेको छैन । क्षतिको विवरण संकलन भइरहेको छ ।