7 March 2021  |   आइतवार, फाल्गुन २३, २०७७

यस्ता मान्छे

मिसनटुडे संवाददाता
प्रकाशित मितिः शनिबार, अशोज ८, २०७३  

लघु कथा
अरुण बहादुर खत्री ‘नदी’
कार्यालयमा काम गरिरहदा मेरो साथीले मलाई मोबाइलमा फोन गरेर ‘टि.आइ.ए.को हाकिमसाहेब अहिले को हुनुहुन्छ ?’ भने । ‘खै मलाई थाहा भएन ?’ मैले भनें । ‘आज दिनभरिमा जसरी हुन्छ पत्ता लगाएर मलाई खबर गर्नु होला’ साथीले भने । ‘मलाई एकघण्टा पछि फोन गर्नु म एक घण्टाभित्र टि.आइ.ए. अफिसमा गएर सोधेर पत्ता लगाउँछु नि’ मैले भनें । आफ्नो काम सकिएर फुर्सद भएपछि म टि.आइ.ए.मा पुगें । टि.आइ.ए.मा पुगेपछि बेला–बेलामा घरबाट अफिस आउँदा र अफिसबाट घर फर्कदा एउटै बसमा चढ्ने महिलासँग मेरो भेट हुन पुग्यो ।
उनीसँग भेटेर तपाईको अफिसमा अहिले हाकिमसाहेब को हुनुहुन्छ ? भन्दै सोधें । ‘हाम्रो अफिसको हाकिमसाहेबको नाम तपाईलाई किन चाहियो ?’ उनले भनिन् । ‘मेरो साथीलाई चाहिएको हो मलाई होइन’ मैले भनें । ‘हाम्रो अफिसको हाकिमसाहेबको नाम तपाईलाई भन्दिन तपाई यहाँबाट आफ्नो अफिस गइहाल्नु त’ उनले भनिन् । उनको बोली सुनेर यो संसारमा यस्ता मान्छे पनि जन्मिदा रहेछन् मनमनै भन्दै एक शब्द नबोली म उनको अफिसको अर्को कोठामा पुगेर एकजना सरसँग भेटेर ‘यहाँको अफिसको हाकिम साहेबको नाम के हो ?’ भनेर मैले सोधें । ‘हाम्रो अफिसको हाकिमसाहेबको नाम देवानन्द उपाध्याय हो’ अर्को कोठाको सरले भने ।  सरलाई धन्यवाद भन्दै म आफ्नो अफिस फर्कें । आफ्नो अफिसमा पुगेपछि मेरो मनमा आयो हाकिमसाहेबको नामको प्लेट त भित्तामा झुण्डिएको हुन्छ नि मैले हाकिमसाहेब बस्ने कोठाको बाहिर भित्तामा हेरेको भए हुन्थ्यो नि । कस्तो मान्छे ?

प्रकाशित मितिः शनिबार, अशोज ८, २०७३     11:10:59 AM  |

Leave a Reply

Your email address will not be published. Required fields are marked *