4 March 2021  |   बिहिबार, फाल्गुन २०, २०७७

बाँसगढी नगरलाई हरित नगर बनाउने अभियानको उद्घाटन

मिसनटुडे संवाददाता
प्रकाशित मितिः बिहिबार, भदौ ३०, २०७३  

रावन विश्वकर्मा
बाँसगढी, भदौ ३०
बाँसगढी नगरलाई हरित नगरपालीका बनाउने उद्देश्यका साथ बुधबार माछागढ बजारबाट वृक्षारोपन गरी उद्घाटन गरिएको छ । स्थानीय विकास अधिकारी तेजराज शर्माले माछागढ बजारमा वृक्षारोपन गरी हरित नगरपालीका बनाउने अभियानको उद्घाटन गरेका छन । बाँसगढी नगरपालीकाको निर्णय अनुसार बाँसगढीलाई हरित नगर बनाउने बहुवर्षिय योजना अन्र्तगत यसवर्षको १ लाख बजेटले नगरपालीकाको पश्चिम तर्फबाट अभियान सुरु गरीएको छ । बाँसगढी नगरपालीकाले बाँसगढी उद्योग बाणिज्य संघ बर्दियालाई हरित नगरपालीका बनाउ अभियानको जिम्मेवारी दिएको छ । बाँसगढी उद्योग वाणिज्य संघ बर्दियाले आयोजना गरेको कार्यक्रममा बाँसगढी नगरपालीकाका कार्यकारी अधिकृत बखतबहादुर खड्काले बाँसगढी उद्योग बाणिज्य संघका अध्यक्ष कटक बिसीलाई बिरुवा हस्तान्तरण  गरेर जिम्मेवारी दिएका छन । हरित नगरपालीका बनाउने अभियान उद्घाटन कार्यक्रममा बोल्ने बक्ताहरुले सुरुवात गर्ने ठुलो कुरा होईन, वृक्षारोपन गर सकेपछि त्यसलाई हुर्काउने बढाउने महत्वपुर्ण कुरा हो भने भनाई राखेका थिए । उनीहरुले जसरी आमा बुवाले आफ्नो बालबच्चालाई जन्मदिएर पालन पोषण गर्नु पर्छ त्यसरी नै आफुले रोपेको बिरुवालाई गोडमेल मलजल गर्नु पर्ने बताएका थिए । कार्यक्रममा एमाले जिल्ला सचिव शालिकराम अधिकारी, युवा संघ बर्दियाका अध्यक्ष धु्रब थपा, स्थानीय राजनितिक दलका प्रतिनिधि, बुद्धिजीबि, स्थानीय उद्योगी व्यापारीहरुको सहभागिता रहेको थियो ।

प्रकाशित मितिः बिहिबार, भदौ ३०, २०७३     11:35:12 AM  |

Leave a Reply

Your email address will not be published. Required fields are marked *