18 January 2022  |   मङ्लबार, माघ ४, २०७८

दोश्रो जुनी पायौं ः चालकदल

मिसनटुडे संवाददाता
प्रकाशित मितिः शुक्रबार, साउन २१, २०७३  

केशव राना
कोलहपुर, साउन २१
‘दोश्रो जुनी पाएको झैं भएको छ’ शिक्षण अस्पताल कोहलपुरमा उपचाररत को–पाईलट दाङ्ग तुलसीपुर ११ अस्वारका प्रशान्त शाह (२४) ले भने । पाईलट काठमाडौं ५ जोरपाटीका स्यांग्रे ग्यालेक लामा (एस.जि. लामा) र को–पाईलट प्रशान्त हुम्ला सिमिकोट विमानस्थलबाट सुर्खेतका लागि साढे ३ बजे उडेका थिए । मकालु एयरको ‘नाइनएनएकेसी’ विमान ५ मिनेटमै सिमिकोट गाविसको राउटेराना दुर्घटनामा प¥यो । विमान उड्दाउड्दै इन्जिन बन्द भएपछि खोलामा फोर्स ल्याण्डीङ्ग गर्न बाध्य भएको को–पाईलट शाहले बताए । ‘एघार हजार ५ सय फिटको उचाइमा रहेको विमानको एक्कासी इन्जिन बन्द भयो, पुनः स्टार्ट गर्न खोज्यौँ भएन’ उनले भने ‘सुर्खेत पुग्न पनि समय लाग्ने र सिमिकोट विमानस्थल फर्कन पनि नसक्ने अवस्था भएपछि कर्णाली नदीमा फोर्स ल्याण्डिङ्ग गर्न बाध्य भइयो ।’ फोर्स ल्याण्डिङ्गका क्रममा अगाडिको भाग खोलामा थियो भने पुच्छर नदी किनारमा थियो । दुवैजना केही क्षण बेहोस् भएको पाईलट लामाले बताए । जहाजमा पानी भरिँदै गएपछि पानीको चिसोले होस् उनले उनी  बताउँछन् । नदीमा ल्याण्ड गर्दा दुबैजना बेहोस् भएको बताउँदै केहीबेरमा होस् आएपछि पौडी खेल्दै खोला बाहिर निस्केको उनले बताए ।

IMG_0173

‘इन्जिन बन्द भएपछि स्थितिलाई सुधार्न केही मिनेट प्रयास ग¥यौं, तर सफल भएनौं’ उनले भने ‘आकस्मिक अवतरण गर्नुपर्ने अवस्था आएपछि नदी किनारमा अवतरण गरेका हौं ।’ घटना लगत्तै सिमिकोटमा रहेको सिम्रिक एयरको हेलिकप्टरले घाइते चालकको उद्धार गरेको थियो । सिमिकोटमा समान ढुवानी गरेर जहाज सुर्खेत फर्किने क्रममा थियो । दुर्घटनामा दुवै पाइलट सामान्य घाइते भएका छन् । उनीहरुको उपचार कोहलपुर शिक्षण अस्पतालमा भैरहेको छ । यसैबीच घाइते चालक र सहचालकको अवस्थाबारे बाँकेका प्रमुख जिल्ला अधिकारी रविलाल पन्थले जानकारी लिएका छन् । अस्पतालमै पुगेर उनीहरुको अवस्थाका बारेमा जानकारी लिएका हुन् ।

प्रकाशित मितिः शुक्रबार, साउन २१, २०७३     2:06:53 PM  |