1 February 2023  |   बुधबार, माघ १८, २०७९

बाढीपीडितले घेरे प्रशासन

मिसनटुडे संवाददाता
प्रकाशित मितिः सोमवार, साउन १७, २०७३  

कोहलपुर, साउन १७
सुरक्षित बसोबासको माग गर्दै बाँकेका राप्ती नदी आसपासका बाढीपीडितले जिल्ला प्रशासन कार्यालय बाँके घेराउ गरेका छन् । राप्ती नदी आसपासका होलिया, बेतहनी, फत्तेपुर, बनकट्टी, गंगापुर र मटेहिया गाविसका बाढीपीडितहरुले प्रदर्शन गर्दै प्रशासन घेरेका हुन् । उनीहरुले सुरक्षित बसोबासको व्यवस्थाका साथै खेतीयोग्य जमिनको सुरक्षाका लागि तटबन्ध निर्माण, बाढीले क्षति पु¥याएका सडक पुनःनिर्माण गर्नुपर्ने माग राखेका छन् । उनीहरुले आफ्ना माग हप्तादिनभित्र पूरा नगरिए आन्दोलन गर्ने बताएका छन् ।
लक्ष्मणपुर बाँध पीडित संघर्ष समिति बनाएर प्रशासन घेर्न पुगेका बाढीपीडितहरुले ज्ञापनपत्र बुझाएका छन् । ज्ञापन पत्र बुझ्दै बाँकेका प्रमुख जिल्ला अधिकारी रबिलाल पन्थले बाढीपीडितको विवरण संकलनपछि अस्थायी रुपमा सुरक्षित बसोबासको व्यवस्था मिलाउने बताए । प्रजिअ पन्थले २०७१ साल चैत्र १ मा आएको बाढीले पु¥याएको क्षतिका विषयमा मन्त्री परिषदले बैठकले आर्थिक रकम दिने निर्णय गरेपनि त्यो रकम नआएको भन्दै आफूहरुले केहि अघि मात्रै बैठक बसी अर्को निर्णय गरेको बताए । बाढी पीडितहरुको मागलाई सम्बोधन गर्दै बाँकेका प्रमुख जिल्ला अधिकारी पन्थले आफूहरुले त्यहाँका स्थानियहरुको समस्याका पहिचान गर्ने र पीडितहरुको तथ्यांक संकलन गर्ने कार्यमा आफूहरुलाई सहयोग पु¥याउन उनीहरुलाई आग्रह समेत गरे ।
भारतले दशगजा क्षेत्रमा बनाएको लक्ष्मणपुर बाँध र कलकलवा तटबन्धले राप्ती नदी र अन्य खोलानालाको पानीको निकास थुन्दा वर्षेनी आधा दर्जन बढी गाविस डुबानमा पर्ने
गर्दछन् ।

प्रकाशित मितिः सोमवार, साउन १७, २०७३     12:34:46 PM  |