‘प्रहरी मेरो साथी’ अभियान शुरु

कोहलपुर, असार २८
मुलुकमा शान्ति सुरक्षाको मुख्य जिम्मेवारी सम्हाल्दै आएको नेपाल प्रहरीले सोमबारदेखि ‘प्रहरी मेरो साथी’ अभियान सुरु गरेको छ । सरकारको आव २०७२÷७३ को नीति तथा कार्यक्रममा समावेश गरिएको उक्त अभियान देशभर व्यापी रुपमा नै सञ्चालनमा आएको छ ।
यसैक्रममा सोमबार कोहलपुरमा पनि एक कार्यक्रमको आयोजना गर्दै अभियानको शुरुवात गरियो ।
कार्यक्रममा प्रहरी र नागरिक बिच समन्वय बढाउदै लैजानुपर्नेमा जोड दिइएको थियो । मध्यपश्चिम क्षेत्रीय ट्राफिक प्रहरी कार्यालय कोहलपुरको आयोजनामा भएको कार्यक्रममा वक्ताहरुले समन्वय र सहकार्य बढाउँदै नागरिकहरुले पनि शान्ति सुरक्षा महसुस गर्ने र प्रहरीलाई पनि काम गर्न सहज हुने बताएका छन् ।
सोही अवसरमा मध्यपश्चिम ट्राफिक प्रहरी कार्यालयबाट सुरु भएको ¥याली नगरका विभिन्न भागको परिक्रममा गरी पुन कार्यालयमा पुगेर कोण सभामा परिणत भएको थियो । कार्यक्रमको बाँकेका प्रमुख जिल्ला अधिकारी रविलाल पन्थले अभियानको शुभारम्भ गरे । प्रमुख जिल्ला अधिकारी पन्थले प्रहरी र नागरिक बिच समन्वय हुन सके अपराध न्युनिकरण हुने बताए । उनले जनतासँग सम्बन्धित कामहरु अबदेखि ‘प्रहरी मेरो साथी’ को ब्यानरमा गरिने जानकारी दिए । यस्तै नेपालगन्जमा पनि जिल्ला प्रहरी कार्यलय बाँकेको आयेजनामा अभियानको सुरुवात गरिएको थियो । धम्बोजि चोकबाट ¥याली सुरु भई बिपि चोकमा पुगेर पुन धम्बोजिमा आएर कार्यक्रममा परिणत भएको थियो । कार्यक्रममा बिद्यार्थी, प्रहरी, व्यवसायी लगायतको सहभागिता रहेको थियो । नेपाल प्रहरीका नागरिक समुदाय केन्द्रित सबै कार्यक्रम तथा क्रियाकलाप ‘प्रहरी मेरो साथी’को अवधारणामा समेटिनेछ । देशभरका विद्यालय तथा समुदायमा सामुदायिक सम्पर्कको माध्यमबाट प्रहरीलाई नागरिकमैत्री बनाई अपराध, दुर्घटना र सामाजिक विकृतिलाई नियन्त्रण गर्दै शान्ति सुरक्षा कायम गर्नु अभियानको मुख्य उद्देश्य हो ।
समाजमा ‘प्रहरी मेरो साथी’ हो भन्ने भावना र सम्बन्धको विकास गरेर प्रहरी सङ्गठनको छविलाई गरिमामय तुल्याउनु अभियानको लक्ष्य रहेको छ ।