4 March 2021  |   शुक्रबार, फाल्गुन २१, २०७७

काठको सट्टा  रकम दिने निर्णय कार्यान्वयन गर्नुपर्ने माग

मिसनटुडे संवाददाता
प्रकाशित मितिः शुक्रबार, जेष्ठ १४, २०७३  

कोहलपुर, जेठ १४
मुक्त कमैयाहरुले आफूहरुको पुर्नस्थापनाका लागि काठको सट्टा प्रति परिवार एक लाख रुपैयाँ दिने ९ महिना अघिको सरकारी निर्णय कार्यान्वयन गर्न प्रधानमन्त्री केपी शर्मा ओलीको ध्यानाकर्षण गराएका छन् ।  दाङ, बाँके, बर्दिया, कैलाली र कञ्चनपुरका मुक्त कमैयाले बिहीबार प्रधानमन्त्री केपी शर्मा ओलीलाई बालुवाटार पुगेर भेटी पुनःस्थापनाका लागि दिने भनिएको रकम तत्काल निकासा गर्न ध्यानाकर्षण गराएका हुन् । सरकारले गत वर्षको भदौ १४ गते मुक्त कमैयाहरुको पुनःस्थापनाका लागि ३५ क्यु फुट काठको सट्टा प्रतिपरिवार एक लाख रुपैयाँ अनुदान दिने निर्णय गरेको थियो । सरकारले घर निर्माण खर्चवापत् थप ५५ हजार रुपैयाँ दिने निर्णय पनि गरेको थियो ।  उक्त निर्णय अनुसार सरकारले मुक्त कमैयाहरुलाई अनुदान दिन चालू आर्थिक वर्षको बजेटमा ४० करोड रुपैयाँ विनियोजन गरेको थियो ।

प्रकाशित मितिः शुक्रबार, जेष्ठ १४, २०७३     8:37:10 AM  |

Leave a Reply

Your email address will not be published. Required fields are marked *