आदिबासी जनजाती समन्वय समितिको अध्यक्षमा गोलेराम

राबन बिश्वकर्मा, बाँसगढी, बर्दिया, बैशाख २८
बाँसगढी नगरस्तरिय आदिबासी जनजाती अगुवाहरुको भेलाले मंगलबार गोलेराम थारुको अध्यक्षतामा ९ सदस्यिय बाँसगढी नगरपालिका स्तरिय आदिबासी जनजाती समन्वय समिति गठन गरेको छ । समितिको सचिवमा फगुवा थारु, सदस्यहरुमा दरबारी थारु, कलीराम थारु, मोहन थारु, मोतीराम थारु, तुलसीराम थारु, जोगीराम चौधरी, लक्ष्मण थारु र सोनु थारु रहेका छन । भेलाले उक्त समितिलाइ महिला र अन्य जनजाती सहितलाइ मनोनित गरी पदपुर्ती गर्न समितिलाई जिम्मेवारी दिएको छ । उक्त भेलाले थारु साँस्कृतिक संग्रहालय बाँसगढी नगरपालिका ८ मा रहेको प्राचिन सृजनशिल आदिबासी समाज बर्दियाको दर्ता प्रमाणपुर्जा भएको जग्गामा स्थापनागरी निर्माण गर्ने निर्णय गरेको छ । आदिबासी जनजाती समन्वय परिषद बर्दियाका सदस्य गोबिन्द प्रसाद थारुको प्रमुख आतिथ्यमा भएको भेलाले सीक्कलसेल एनिमियाँ सम्बन्धि जनचेतना जगाउने र थारु हस्तकला ढकीया गोंरी तालिम गराउने बिषयमा पनि छलफल गरेको थियो । गोलेराम थारुको सभापतित्वमा भएको भेलामा बाँसगढी नगरपालिकाका बरघर, बिभिन्न राजनितिक दलसंग सम्बद्ध बुद्धीजिवी, पत्रकार गरी ४५ जनाको उपस्थिति रहेको थियो ।