7 March 2021  |   आइतवार, फाल्गुन २३, २०७७

दलित मोर्चामा जुना

मिसनटुडे संवाददाता
प्रकाशित मितिः सोमवार, चैत्र २२, २०७२  

कोहलपुर,चैत्र २२
एनेकपा माओवादी निकट नेपाल राष्ट्रिय दलित मुक्ति मोर्चा कोहलपुर नगरको अध्यक्षमा जुना बिक चयन भएकी छन् । आइतबार कोहलपुरमा भएको मोर्चाको प्रथम नगर सम्मेलनले बिकको अध्यक्षतामा २५ सदस्यीय कार्यसमिति गठन गरेको हो । जसको उपाध्यक्षमा जंगबहादुर बिक, सचिवमा निरु सुनार, सहसचिवमा बिमल परियार, कोषाध्यक्षमा सेतराम बिक लगायत रहेका छन् ।
मोर्चाले दलितका हकअधिकारका विषयमा आवाज उठाउने बताइएको छ । यसअघि भएको उद्घाटन सत्रमा मोर्चाका केन्द्रीय सदस्य शिव सुनारले दलितका हकअधिकारहरु संविधानमा समेटिएपनि कार्यान्वयनको पाटोमा चुनानैति देखिएको ले सबै दलित एकढिक्का भएर अघि बढ्नुपर्ने बताए ।
कार्यक्रममा एमाओवादी बाँके अध्यक्ष अक्कलबहादुर बम, सचिव कृष्णा केसी, सल्लाहकार समिति अध्यक्ष ओमप्रकाश केसी, दलित मुक्ति मोर्चा बाँके संयोजक अम्मर बिक, क्षेत्र नं. ४ इन्चार्ज डम्बर बिक, क्षेत्र नं. १ इन्चार्ज नरेन्द्र पाण्डे लगायतको उपस्थिति रहेको थियो ।

प्रकाशित मितिः सोमवार, चैत्र २२, २०७२     10:07:17 AM  |

Leave a Reply

Your email address will not be published. Required fields are marked *