23 October 2021  |   शनिबार, कार्तिक ६, २०७८

लामो संघर्षपछि खुल्यो पूर्वपश्चिमको काउण्टर

मिसनटुडे संवाददाता
प्रकाशित मितिः शनिबार, चैत्र २०, २०७२  

कोहलपुर, चैत्र २०
लामो संघर्षपछि पूर्वपश्चिम यातायात व्यवसायी संघले कोहलपुर बसपार्कमा टिकट बुकिङ्ग काउण्टर स्थापना गरेको छ ।
धेरै समय अघिदेखि नै काउण्टरका विषयमा विवाद
हुँदै आएकोमा सहमति
पछि काउण्टर स्थापना गरिएको हो ।
विभिन्न बुँदामा सहमतिपछि मात्रै काउण्टर स्थापना गर्न पूर्वपश्चिमलाई सहज भएको हो । यसअघि काउण्टरका विषयमा भएको विवादले ठूलो रुप लिने संकेत देखा परेको थियो । तर, विभिन्न बुँदामा भएको सहमतिले विवाद साम्य बनाएको जस्तो देखिएको छ ।
काउण्टरको शुक्रबारदेखि औपचारिक रुपमा शुभारम्भ गरिएको छ । टिकट काउण्टरको कोहलपुर उद्योग व्यापार संघ अध्यक्ष नरेन्द्र शर्माले उद्घाटन गरेका छन् । काउण्टरको उद्घाटन गर्दै यातायात व्यवसायीहरुमा स्वस्थ प्रतिस्पर्धा हुनुपर्नेमा जोड दिए । यातायात क्षेत्र स्वस्थ प्रतिस्पर्धाले मात्रै माथि उठ्ने उनले बताए ।
पूर्वपश्चिमका अध्यक्ष प्रेमप्रसाद शर्माको सभापतित्वमा भएको कार्यक्रममा कोहलपुर बसपार्क सुधार समिति अध्यक्ष कृष्ण रानाभाट, एमाले बाँके क्षेत्र नंं १ अध्यक्ष बलराम भट्टराई, नेपाल रेडक्रस सोसाइटी उपशाखा कोहलपुर कार्यालय प्रमुख लालबहादुर भण्डारी, ट्राफिक प्रहरी लगायतको उपस्थिति रहेको थियो ।
पूर्वपश्चिमले यसअघि बसपार्क परिसरमै कोठा भाडामा लिएर सेवा दिइरहेको थियो ।

प्रकाशित मितिः शनिबार, चैत्र २०, २०७२     11:05:19 AM  |