15 May 2021  |   शनिबार, जेष्ठ १, २०७८

असिनापानीले गहुँ र मसुरो बालीमा व्यापक क्षति

मिसनटुडे संवाददाता
प्रकाशित मितिः सोमवार, चैत्र १, २०७२  

कञ्चनपुर, चैत १ गते । गए राति परेको असिना पानीका कारण कञ्चनपुरका कृषकले लगाएको गहुँ र मसुरो बालीमा व्यापक क्षति पुगेको छ । जिल्लाको बेदकोट, झलारी पिपलाडी, देखतभूली, शङ्करपुरलगायत क्षेत्रका कृषकले असिना पानीका कारण बढी क्षति व्यहोरेका छन् ।

पाक्नै लागेको गहुँबाली र मसुरो बालीमा असिना पानी पर्दा बाली बिग्रिएको झलारी पिपलाडी–३ का कृषक मनिराम चौधरीले बताउनुभयो । गहुँको बाला पूरै असिनाका कारण थिचिएकाले उत्पादनमा निकै गिरावट आउने उहाँले बताउनुभयो । तरकारी बालीमा समेत असिना पानीले क्षति पु¥याएको कृषक वसन्ती चौधरीले बताउनुभयो ।

लहरे तरकारी बालीमा असिना पानीले बढी क्षति पु¥याएको छ उहाँले भन्नुभयो, “फुल्नै लागेको काँक्रा, फर्सी, तितेकरेला, लौकालगायतका बालीमा क्षति भएपछि लगानी खेर गएको छ ।”

कृषि सेवा केन्द्र झलारीका कृषि प्राविधिक मनि नाथले असिना पानीले क्षति पु¥याएको कृषकबाट गुनासो आइरहेकाले क्षतिको विवरण सङ्कलन गर्ने कार्य भइरहेको बताउनुभयो । रासस

प्रकाशित मितिः सोमवार, चैत्र १, २०७२     10:36:20 AM  |

Leave a Reply

Your email address will not be published. Required fields are marked *