दुबै सेमिफाइनल सोमवार हुदै
फागुन १६ नेपालगन्ज
बाँकेमा जारी विद्यालय स्तरीय जिविस कप क्रिकेट प्रतियोगितामा गोर्खा युनाइटेड उच्च मावि सेमिफाईनलमा प्रबेश गरेको छ । आईतवार मंगलप्रससाद उच्च माविको खेल मैदानमा भएको खेलमा होलील्यान्ड उच्च मावि नेपालगन्जलाई ४४ रनले पराजित गर्दै गोर्खा युनाइटेड उच्च मावि सेमिफाईनलमा प्रबेश गरेको हो । खेलमा टस जितेर पहिला ब्याटिङ गरेको गोर्खा युनाइटेड उच्चले २ ओभरमा ४ विकट गुमाउँदै एक सय १९ रन बनाएको थियो । उसका लागि रेडिमेड भूसालले ५१ ,अविशेक भण्डारीले २२ र स्पन्दन थापाले १० रन बनाएका थिए । होलील्यन्डका बलर विजय चौधरी,हिमाल खड्का, इश्वर मल्लले एक एक विकेट लिए । जवाफी एक सय २० रनको लक्ष्य पछाएको होलील्यान्ड १६.५ ओभरमा सबै विकेट गुमाउँदै ७५ रनमा अल आउट भयो । उसका लागि सुजल रनलाले २१ विजय चौधरीले ११ रन वाहेक अन्यले राम्रो प्रर्दशन गर्न सकेनन् । गेर्खाका बलर विरेन्द्र बस्नेत,अविशेख भण्डारी र रेडिमेट भूसालले समान दूई÷दुई विकेट लिएका थिए । प्रतियोगितामा सोमवार दुबै सेमिफाइनलको खेल हुने भएको छ । पहिलो खेलमा एविसी रेसिडेन्टल र आइडियल तथा दोस्रो खेलमा शान्ति विद्या निकेतन र गोर्खा भिड्ने बाँके जिल्ला क्रिकेट संघका अध्यक्ष दुर्गाबहादुर थापा मगरले जानकारी दिए । जिविस बाँके को सहयोगमा भईरहेको प्रतियोगिता १८ गते सकिनेछ ।