6 December 2020  |   आइतवार, मंसिर २१, २०७७

कालोपत्रे गर्नका लागि कमिटि गठन

मिसनटुडे संवाददाता
प्रकाशित मितिः आइतवार, माघ २४, २०७२  

कोहलपुर, माघ २४
बाँकेको कोहलपुर बसपार्कलाई कालोपत्रे गर्नका लागि शनिबार १४ जनाको कमिटि गठन गरिएको छ । बसपार्क बजार सुधार समितिले शनिबार आयोजनाको गरेको कार्यक्रममा बोल्दै कोहलपुर
नगरपालिकाका कार्यकारी अधिकृत मिन बहादुर शाहीले कोहलपुर बसपार्कको कालोपत्रे गर्नका लागि आफुबाट हुने सहयोग गर्ने तयार रहेको बताएका छन् । कोहलपुर नगरविकास समिति, कोहलपर नगरविकास समिति, कोहलपुर अन्य संघ संस्थाहरुसँग समन्वय गर्नका लागि एक कमिटि गठन गरिएको कमिटिका सदस्य हेमविक्रम जिसीले बताए ।
मध्यपश्चिमकै व्यापारिक केन्द्र मानिएको कोहलपुरमा अवस्थित संचालित बसपार्कमा लाखौं यात्रुहरु र हजारौं व्यापारीहरुको अत्याधिक चाप र
चहलपहल हुने भएकाले तत्काल बसपार्क कालोपत्रे गर्न आवश्यक रहेको उनीले बताए ।
‘कोहलपुरको गहनाको रुपमा अवस्थित बसपार्क पिच भएमा हामी सबैको यसबाट अझ बढि लाभान्वित र गारैव हुनेछौं’ उनले भने ‘बसपार्कलाई पिच गर्नका लागि सम्बन्धित निकायमा पहल थाल्न यस नगरमा बसोबास गर्ने हामी सबैको जिम्मेवारी भएकोले यस कार्यका लागि हाम्रो आर्थिक,
बौद्धिक र भौतिक सहयोगको आवश्यकता पर्न जान्छ ।’ कार्यक्रममा कोलपुरका विभिन्न राजनीति दलका प्रतिनिधिहरुको पनि उपस्थिति रहेको थियो ।

प्रकाशित मितिः आइतवार, माघ २४, २०७२     9:59:11 AM  |

Leave a Reply

Your email address will not be published. Required fields are marked *