28 November 2020  |   आइतवार, मंसिर १४, २०७७

बाँकेमा ग्यासको खुलेआम कालोबजारी

मिसनटुडे संवाददाता
प्रकाशित मितिः मङ्लबार, मंसिर १५, २०७२  

कोहलपुर, मंसिर १५
खाना पकाउने ग्यासको चरम अभाव भैरहेको फाईदा उठाउंदै बाँकेमा भने खुलेआम कालो बजारी भएको पाइएको छ ।
ग्यास आपुर्ति ब्यवस्था तथा अनुगमन समितिले सोमबार नेपालगन्जमा गरेको अनुगमनमा बजारमा बढी मुल्यमा ग्यास बेचिरहेको फेला पार्ेको छ । ग्यास बिक्रेता संघका अध्यक्ष समेत रहेका दिब्यदेव उप्रेतीले संचालन गरिरहेको शोभा भगवती ग्यास सप्लायर्समा ७ सय ५० रुपैयांमा ग्यास बेचेको अनुगमन समितिले फेला पारेको छ ।
रिक्सा लिएर पसल सम्म आएका एकजना ग्राहकसंग ७ सय ५० रुपैयां लिइरहेको अवस्थामा फेला परेपछि समितिले उप्रेतीलाई जिल्ला प्रशासन कार्यालयमा हाजिर हुन पत्र काटेको छ । बढी मुल्यमा ग्यास बेचेको सम्बन्धमा प्रश्न गर्दा अनुगमन समितिलाई नै ७ सय ५० भन्दा कममा बेच्न नसकिने भन्दै सकेको गर्न बिक्रेता उप्रेतीले चेतावनी दिएको अनुगमन समितिको नेतृत्व गरेका प्रशासकीय अधिकृत खगेन्द्र पौडेलले जानकारी दिए ।
सरकारले १४ किलो २ सय ग्राम तौलको ग्यासलाई १ हजार ४ सय मुल्यमा बिक्री गर्ने निर्णय गरेको छ । बजारमा चरम अभाव भएपछि ७ किलो १ सय ग्राम ग्यास भर्ने र ७ सय मुल्यमा बेच्न नेपाल आयल निगमले निर्णय गरेको छ । सोमबारको अनुगमनमा धम्बोझी स्थित केपी ग्यास सप्लायर्स र मनकामना ट्रेडर्सले पनि उप्रेतीकै निर्देशनमा ७ सय ५० मुल्यमा ग्यास बेचेको स्विकार गरेका थिए । उनीहरुलाई समेत प्रशासनमा हाजीर हुन अनुगमन समितिले निर्देशन दिएको छ ।
समितिले सोमबार ८ वटा बिक्रेताहरुको पसलको अनुगमन गरेको थियो । निर्धारित मुल्य भन्दा बढी मुल्यमा ग्यास बेच्ने बिक्रेताहरुलाई कानुन बमोजिम कारवाहि हुने अधिकृत पौडेलले बताए । अघिल्लो साता जिल्ला प्रशासन कार्यालयमा बसेको आपुर्ती समितिको बैठकले ग्यास बिक्रीका लागि निश्चित मापदण्ड बनाउंदै अनुगमन समिति गठन गरेको थियो ।

प्रकाशित मितिः मङ्लबार, मंसिर १५, २०७२     1:27:16 PM  |

Leave a Reply

Your email address will not be published. Required fields are marked *