भजनी (कैलाली) ।
कैलालीको भजनी नगरपालिका–२ रजवारामा थारू संग्रहालय पार्क सञ्चालनमा आएको छ । पर्यटन विकास गर्ने उद्देश्यले लोटैया ताल क्षेत्रमा थारू सङ्ग्रहालय पार्क सञ्चालन गरिएको हो । थारू सङ्ग्रहालयसहितको पार्क निर्माणका लागि संघीय र प्रदेश सरकारले बजेट विनियोजन गरेको थियो ।
संघीय सरकारले ९० लाख र प्रदेश सरकारले १० लाख बजेट दिएपछि सङ्ग्रहालयको संरचना निर्माण भएको वडा अध्यक्ष दुर्गाबहादुर पुनले बताए । उनले वडा कार्यालयलेपनि केही रकम सहयोग गरेको बताए । थारू सङ्ग्रहालय पार्कको नगर प्रमुख केवल चौधरी र उपप्रमुख राजुदेवी तिरुवाले एक कार्यक्रमकाबीच उद्घाटन गरेका थिए ।
त्यस क्रममा प्रमुख चौधरीले प्राकृतिक रूपमा सुन्दर भजनीलाई पर्यटकीय क्षेत्रको रूपमा विकास गर्न नगरपालिकाले विभिन्न कार्यहरू गर्दै आइरहेको बताए । उनले थारू सङ्ग्रहालयका घरहरूलाई थारू मोडेलमा बनाउनु पर्ने उल्लेख गरे । थारू सङ्ग्रहालय सहितको पार्क भजनी नगरपालिकाको सान र मान भएको बताए ।
प्रतिक्रिया दिनुहोस्